Hosea 3:4 - Tedim Bible

⁴ Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Tedim Bible Revision 2017

⁴ Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Hosea 3:4 Iomraidhean Croise

Piancilna 31:19

Laban a tuu mul met dingin pai khia a, Rachel in a pa’ inn sung pasiante gu hi.

Piancilna 31:34

Tu-in Rachel in innsung pasiante la khin a, kalaoh tutphah sungah koihin, tuate' tungah tu hi. Laban in puanbuk sung teng khempeuh zawt a, ahih hangin tuate mu lo hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

2 SAMUEL NIHNA 6:14

Tua ciangin a tha neih khempeuh tawh Topa mai-ah David laam hi; David in saihadial siampi puan khat silh hi.

2 KUMPI NIHNATE 23:24

Tua tham loin Topa’ inn sungah siampi Hilkiah in a muh laibu sungah a kigelh thukham kammalte amah in a kipsak theih nadingin Judah gam sung leh Jerusalem a, a om vankahte, aisante, innsung pasiante, milimte leh a kihhuainate khempeuh Josiah in hemkhia hi.

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

Paikhiatna 28:4

Hihte in amaute’ bawl ding puante ahi hi: awmdal khat, siampipuan khat, puantualpi khat, sikli nei-a a gial puantungsilh khat, dialpi khat leh kawnggak khat ahi hi; keima' tungah siampi na a sem ding na sanggampa Aaron leh ama' tapate’ adingin amaute in biakna puan siangthote bawl ding uh hi.

Paikhiatna 28:6

Amaute in siampipuan pen, kham, a dum, a dupsan, a ausan khaute leh a kop-a kikhuk a kigan puan hoihte tawh bawlin hoih takin a kibawl hi ding hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa leh miliante salin a om khin uh hi. Thukham kihilh nawn lo a, kamsangte in Pasian kiang pan mang a mu nawn kei uh hi.

Ezekiel 19:14

Hih leenggui mei in kang a, a hiang a gah kangtum mang hi, a hiangte lian kik nawn lo ding a, kumpi ciangkhut suak kik ngei nawn lo ding hi. Hih a tunga pen tamlawhna hi a, a kisa zelzel mun khat ahi hi.

Ezekiel 20:32

Note in na lungsim ngaihsutna uh khentat khinin, gam danga a teeng minam dangte mah bangin sing leh suang na bia nuam uh hi. Ahi zongin note’ ut bang hi thei ngei lo ding hi.

Ezekiel 21:21

Lamka a tun’ ciangin Babilon kumpipa khawl phot ding hi. A tot ding lampi a theihtheih nadingin ai nam tuamtuam saan ding a, a thaltangte sing seuhseuh-in, innsung pasian milimte thu dongin, biakna-in a gawh ganhing sin vel ding hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Daniel 12:11

Amaute in nisim biak piakna a khawlsak leh a Lipkhaphuai na a hong pian’ ciang ni tulkhat leh zanih leh sawmkua a sawt ding hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Hosea 13:10

Na kumpi ding uh leh na makai dingte uh nong ngen uh hi. Tu-in note hong hon dingin na hong nget uh na kumpipa uh koi-ah om a, note hong huh ding na makaite uh koi lai tung khin ahi uh hiam?

Hosea 13:11

Na kumpi dangte uh kong ngawh piak a, ka hehluatna hangin tuate ka la khia kik khin hi.

Hosea 2:11

Ama lungdam theihna, a kumsim pawite, a khasim pawite, a nipi sim pawite, a biakna kikhop khempeuh ka beisak ding hi.

Siampi Laibu 8:7

Amah in a puantungsilh amah silhsak a, a kawnggak tawh gakin, a puantualpi silh sak a, a siampi puan silh sakin, siampi puan’ khau, hoih taka a kigan tawh gak a, tua tawh ama tungah khih hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn phawk kha nawn lo ding uh hi. Kamsang zuautheite zong phiatin, milim biak nopna lungsim ka beisak ding hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Johan 19:15

amaute in, “Tua pa that in, tua pa that in, singlamteh tungah that in!” ci-in a kiko uh hi. Pilat in, “Note’ Kumpipa singlamteh tungah that ding ka hi hiam?” ci-in a dot ciangin, “Kaisar kumpipa longal adang kumpipa ka nei kei uh hi,” ci-in siampi liante in a dawng kik uh hi.

Hebru 10:26

Bang hang hiam na cih uh leh, thuman i theih khit ciangin i deihna zui-in i mawh kik leh, a nung ciangin mawh maisak nading biakna a om kei ding hi;

Thukhente 17:5

Tua mipa Mikah in biakna phual khat nei a, amah in siampi puan khat leh innsung pasiante bawlin siampi suak dingin a tapate khat koih hi.

Thukhente 18:14

Tua ciangin Laish gam a ensim dingin a pai mi ngate in a sanggamte uh kiangah, “Hih innte sungah siampi puan khat, inn sung pasiante, a kiseek milim khat, leh a kisung milim khat a omna na thei uh hiam? Tua ahih ciangin tu-in na hih ding uh ngaihsun un,” a ci uh hi.

Thukhente 8:27

Tua ciangin Gideon in milim-in tuate bawlin ama khuapi Ofrah khua-ah koih hi; Israelte khempeuh in tua lai mun-ah tua milim bia uh a, Gideon leh a innkuanpihte’ adingin thangzak khat suak hi.

1 SAMUEL MASA 14:3

Shiloh-ah Topa’ siampi Eli’ tapa Finehas, a tapa Ikabod, a sanggampa Ahitub’ tapa Ahijah in siampi-puan silh hi. Mite in Jonathan a paikhiat khit lam thei lo uh hi.

1 SAMUEL MASA 15:23

Bang hang hiam cih leh lehdona in aisan mawhna bangmah hi a, lungkhauhna in mawhna leh milim biakna mah bang hi. Nangmah in Topa’ thu nial khin na hih manin, amah in zong kumpi hihna panin nang hong nolh khin hi,” a ci hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

1 SAMUEL MASA 21:9

Siampipa in, “Elah kuam-ah na thah Filistia mi Goliath’ namsau, en in, puan tawh kitunin hih lai-ah siampi puan nungah om hi; tua na deih leh la in; bang hang hiam cih leh a dang om lo a, tua bek hih lai-ah om hi,” a ci hi. David in, “Tua sanga hoihzaw a dang om lo hi; kei hong pia in,” a ci hi.

1 SAMUEL MASA 22:18

Tua ciangin kumpipa in Doeg kiangah, “Kihei in la siampite hih in,” a ci hi. Edom mi Doeg kihei-in siampite hih a, tua ni-in saiha dial siampi puan a silh mihing sawmgiat leh nga that hi.

1 SAMUEL MASA 23:6

Ahimelek’ tapa Abiathar David kiang Keilah ah a tai lai-in amah in siampipuan khat kengin paisuk hi.

1 SAMUEL MASA 23:9

Saul in ama tungah a sia a sawmna David in thei hi; amah in siampi Abiathar kiangah, “Hih lai-ah siampipuan hong paipih in,” a ci hi.

1 SAMUEL MASA 30:7

Tua ciangin David in Ahimelek’ tapa siampi Abithar kiangah, “Siampi puan hong paipih in,” a ci hi. Tua ahih ciangin Abiathar in David kiangah siampi puan paipih hi.