Hosea 3:1 - Tedim Bible

¹ Topa in kei kiangah thu hong gen kik a, “Lawm a ngai khinsa, pasal tawh a lumkhawmsa numei khat tawh va kingai in, Israel mite, pasian dangte kiangah pai uh a, leenggah phehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Tedim Bible Revision 2017

¹ Topa in kei kiangah thu hong genkik a, “Lawm a ngai khin sa, pasal tawh a lum khawm sa numei khat tawh va kingai in. Israel mite, pasian dangte kiangah pai uh a, leenggahkeu tawh a va biak uh hangin, amaute ka it lai veve mah bangin tua numei va it in,” hong ci hi.

Hosea 3:1 Iomraidhean Croise

2 SAMUEL NIHNA 6:19

Israel mihon buppi, mi khempeuh, numeite leh pasalte tungah anlum pheng khat, sa baak khat, leh leenggahkeu pheeng khat pia ciat hi. Tua ciangin mi khempeuh a inn ciat uh ah ciah uh hi.

2 KUMPI NIHNATE 13:23

Ahih hangin Topa in amaute hehpihin amaute khasiat a, Abraham, Isaak, leh Jakob tawh a thuciamna hangin amaute lamah amah kihei a, amaute susia lo hi; tu dongin zong ama mite mangngilh lo hi.

1 KHANG TANGTHU MASATE 16:3

Israel mi numei leh pasal khempeuhte tungah anlum lum khat, sa bak khat, leh leenggahkeu bek khat ciat hawm hi.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh nangmah in dikna leh hehpihna a nei na hi hi.

Late 123:2

En in, nasem pasalte in a topa uh muang a, nasem numei in a tonu-uh a muan’ mah bangin, ko tungah hehpihna nong neih matengin Topa kote’ Pasian kong mitsuan uh hi.

Paikhiatna 32:6

Amaute zingsangin tho baih uh a, meihal biakna pia-in thu-nuam-a biakna paipih uh hi; a ne a dawn dingin mite tu suk uh a, gualnuam mahmah uh hi.

Solomon la 2:5

Lungzuang, duangvul ka hih manin, leenggahkeu tawh hong vaak in la, apple gah tawh hong thadim sak in.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Jeremiah 3:20

Ahih hangin thuman lo zi in a pasal a nusiat bangin Israel mite aw, Topa in kong cih in ah, no zong kei’ tungah nong thuman kei uh hi,’ ci-in va tangko in,” hong ci hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Hosea 4:11

Leenggahzu in ka mite’ thu ngaihsut theihna beisak hi.

Hosea 7:5

I kumpipa in pawi a bawl ni-in amaute in uliante zu kham sakin haisak uh a, amau’ ngimna thei lopi-in kumpipa zong tua lakah hong kihel hi.

Amos 2:8

Biakna tau gei khempeuhah lum uh a, sum leitawi tang-a a puan kepsakte uh phah uh hi. Amaute in a Pasian uh biakinn sungah, leibate kiangpan a laksak uh leenggahzu dawn uh hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.

Mattiu 26:50

Zeisu in, “Lawm aw, bawl dinga na hong paina thu na bawl in,” a cih ciangin amaute hong pai uh a, Zeisu a mat khit uh ciangin a kai uh hi.

1 KORIN MASA 10:21

Topa’ hai leh dawigilote’ hai na dawnkhawm zo kei ding uh hi. Topa’ sabuai leh dawigilote’ sabuai-ah an na nekhawm zo kei ding uh hi.

1 KORIN MASA 10:7

“Mite in an ne, tui dawnin a tu uh a, a nung ciangin laam dingin a ding uh hi,” ci-in a kigelh mah bangin tuate kimkhat in milim a biak uh mah bangin bia kei ni.

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.