Hosea 2:3 - Tedim Bible

³ A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Tedim Bible Revision 2017

³ A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Hosea 2:3 Iomraidhean Croise

Paikhiatna 17:3

Ahih hangin tua mun-ah tui duhin mite dangtak uh a, Moses tungah mite phun-in, “Kote leh ka tate uh leh ka ganhingte uh dangtakin a si dingin bang hangin Izipt panin kote hong paipih to na hi hiam?” ci uh hi.

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Isaiah 47:3

Na selsim teng kilang ding a, na maizumna teng kimu ding hi. Keimah in kong thukkik ding a, kuamah ka zah kei ding hi.

Isaiah 64:10

Nangma khuapi siangthote gamlak suak a, Zion zong gamlak suak a, Jerusalem khua gamkhing a suak hi.

Jeremiah 12:10

Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Jeremiah 13:26

Keimahmah in na nik kong hawksak ding a, kong maizum sak ding hi.

Jeremiah 14:3

Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Jeremiah 17:6

Amah in sehnel gam-a po sawlbawk bang hi a, khangin a bawk pha zo kei ding hi. Kuama’ teen’ lohna ci gam, keugaw gamah amah a teeng ding hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Jeremiah 4:26

Ka et leh, logam leihoih teng sehnel gam suak khin-a, Topa’ mai leh a hehna lianpi mai-ah, khuapi khempeuh kisia khin uh hi.

Jeremiah 51:43

A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Ezekiel 16:22

Hih bangin numei paktat nuntakna tawh a mindai huai-in na om lai takin na neu lai thu, tangguakin na om lai, sisan naisan lak-a na kitomtom lai thu na phawk kha kei hi.

Ezekiel 19:13

Tui om lohna lei keu gamah tu-in hih leenggui kituah hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Hosea 2:10

Tua ciangin ama it pasal dangte’ muhna-ah a puante hawk khiatsakin a guak tangin ka om sak ding a, kuamah in kei’ khut sung panin amah honkhia zo lo ding hi.

Mangmuhna 17:16

Nangma muh ki sawm leh sahangte in tua numei gilo a muhdah khit uh ciangin amah belh ding suan ding nei lo suakin ama sa ne-in, amah a kat tum nadingin mei tawh a hal ding uh hi.

Thukhente 15:18

Tua ciangin amah dangtak mahmah a, amah in Topa samin, “Na nasempa’ tha tawh hih suahtakna lian na pia zo hi; tu-in dangtakin kei si-in vun at lote’ khut sungah puk ding ka hi hiam?” a ci hi.