Hosea 2:2 - Tedim Bible

² Tate aw, na nu uh zol bawl un. Amah in ka zi hi buang a, kei in ama pasal hi buang hilo ka hi hiam? A paktatna leh midang tawh a mawhnate a khawl nadingin zol un.

Tedim Bible Revision 2017

² Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Hosea 2:2 Iomraidhean Croise

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Jeremiah 19:3

Nangmah in, ‘Topa’ kammal ngai un, Judah kumpite leh Jerusalem khua mite aw, a vanglian Topa, Israel mite’ Pasian in hong cih-inah: En un, hih munah kong tun’sak ding siatna lian lua ahih manin a za mi khempeuhte’ bil sungah ging den ding hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam panin na pute na pate-uh’ luah dinga ka piak sa gamah hong paikhawm ding uh hi.

Ezekiel 16:20

“Tua ciangin kei tawh na neih na tanute leh na tapate la-in milim biakna-in haltum dingin na pia hi. Kei tungah na cihtaklohna thuneu lua sa a,

Ezekiel 16:25

Na meel hoihna beelmang na kizutnelh hi. Na kimuhpih peuhpeuh tungah na pumpi na kipia a, a ni ni-in na paktatna na khan’ semsem hi.

Ezekiel 20:4

“Ezekiel aw, amaute tungah thukhen dingin na kiging nai hiam? Na kigin’ khit leh amaute tungah thu khen in. A pu a pate uh’ gamtat hoih lohna teng amaute phawksak in.

Ezekiel 23:43

Nu-le-pa mawhna bawlin a paat ngingeisa khat, numei paktatte khat mah bangin a zang lailai hi tah a, ci-in ka ngaihsun hi.

Ezekiel 23:45

Amaute in nu-le-pa mawhna bawlin mi thahna tawh kipelh lo uh ahih manin mi dikte in nu-le-pa mawhna bawlna hang leh mi thahna hangin mawhsak ding uh hi.

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Hosea 2:1

Tua ahih ciangin na Israel mipihte, “Pasian’ mi,” ci in la, “Topa in a hehpih mite,” zong ci in.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.