Hosea 10:2 - Tedim Bible

² A lungsim uh man lo ahih manin tu-in a mawhna uh thuak ding uh hi. Topa in amau’ biakna taute suzanin, a biakna khuampite suksiatsak ding hi.

Tedim Bible Revision 2017

² A lungsim uh man lo ahih manin tu-in a mawhna uh thuak ding uh hi. Topa Pasian in amauʼ biakna taute suzanin, a biakna songte uh suksiatsak ding hi.

Hosea 10:2 Iomraidhean Croise

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

Paikhiatna 23:24

amau’ pasiante’ mai-ah note kun loin, amaute bia loin, amau' gamtat bangin na gamta kei ding uh a, note in amaute lawnthal mang kiuhkeuh-in amau’ milim khuampite na satnen gawp ding uh hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Jeremiah 43:13

Amah in Izipt gam Heliopolis khua-a mualsuangte a susia ding a, Izipt pasiante kibiakna biakinnte mei tawh a halsak ding hi, a ci hi,’ ci-in va gen in,” a ci hi.

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Hosea 12:11

Gilead gamah milim biakna om a, tuate in a kiman’na om lo hi. Gilgal gamah bawngtal tawh bia uh a, lo khote in a suang deih loh teng uh a phualphualin a cian’ kawikawi tawh kibangin, a biakna taute uh bangmahin kimang lo ding hi.

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Hosea 7:8

Israel in a kiim-a om mi namdangte tawh kipawlin tua mite muan’in nei a, a kihei lo moh ki-em tawh kibang uh hi.

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

Micah 5:13

Note in na biak uh milimte leh na biakna songte ka susia gawp ding a, note’ bawlsa nate na bia nawn kei ding uh hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn phawk kha nawn lo ding uh hi. Kamsang zuautheite zong phiatin, milim biak nopna lungsim ka beisak ding hi.

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Luka 16:13

To nih’ na a sem khawm zo nasempa a om kei hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung sum na nasem khawm zo kei ding uh hi,” ci-in a gen hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

1 JOHAN MASA 2:15

Leitung ahi zongin, leitungah a om nate ahi zongin na it kei un. Leitung a it mi sungah Pa itna a om kei hi.

1 SAMUEL MASA 5:4

Ahih hangin a zing ciang zingtungin amaute a thawh ciangin, en in, Topa’ thuciamna singkuang mai lei lakah Dagon na mai puk leuleu a, Dagon lutang leh a khutte gel kitan khia-in sangkil tungah om hi; Dagon a pumpi bek om hi.