Hosea 1:7 - Tedim Bible

⁷ Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Tedim Bible Revision 2017

⁷ Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.

Hosea 1:7 Iomraidhean Croise

2 KUMPI NIHNATE 19:29

Tua ciangin Isaiah in Hezekiah kiangah, hih in nang adingin lim hong hi ding hi: tu kumin ama thu-in a pote na ne ding a, a kum nihna ciangin tua mah bangin a selkhiate na ne ding hi; a kum thumna ciangin khai tuhin atin, leenggui suanin a gah na ne ding hi.

2 KUMPI NIHNATE 19:34

Bang hang hiam cih leh keima min ka khualna leh ka nasempa David tungah ka ciamsa thu hangin hih khuapi ka hu ding hi, ci hi,” a ci hi.

2 KUMPI NIHNATE 19:35

Tua zanin Topa’ vantungmi paikhia a, Assiria’ giahphual ah galkap tul zakhat leh tul sawmgiat leh tulnga that hi; zingsang tungin mite a thawh ciangin, en in, hihte khempeuh siluang hawm na hi hi.

2 KUMPI NIHNATE 6:18

Amah do dingin Siriate hong paisuk ciangin Elisha in Topa kiangah thungenin, “Hih mite mittawtna tawh vatgawp in, kong thum hi,” a ci hi. Tua ahih ciangin Elisha’ thungetna bangin amah in mittawtna tawh amaute vatgawp hi.

Late 33:16

A galkap tampi in kumpi khat suakta sak zo lo a, galkap hangpa ama hatna tawh kihonkhia zo lo hi.

Late 44:7

Ahih hangin nang in ka galte kiang panun kote nong hon khin a, ko hong mudahte na zahhuai gawp sak khin hi.

Paikhiatna 14:13

Moses in mite' tungah, “Kihta kei un, kip takin ding un, amah in note adingin tu ni-a hong sep ding Topa’ hotkhiatna mu un; bang hang hiam cih leh tu ni-a na muh uh Izipt mite, note in na mukik nawn kei ding uh hi.

Paikhiatna 14:30

Topa in tua bangin Izipt mite’ khut sung panin tua ni-in Israelte honkhia hi; tuipi gei-ah Izipt mi a site Israel mite in mu uh hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Jeremiah 25:5

Amaute in, ‘Tu-in na vekpi-un na giltohna uh leh na gamtat khialhnate uh panin na kihei uh leh Topa in note leh tanglai-a na pute na pate uh tungah na neih tawntung ding uh a, a hong piak gam sungah na teeng thei ding uh hi.

Jeremiah 25:6

pasian dangte’ nung delh loin, a na sem loin na biak kei uh a, na khut uh tawh na bawl uh milimte peuh bia-in nong hehsak kei uh leh, note bangmah kong cih kei ding hi,’ ci-in hong gen uh hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Hosea 1:8

Lo-ruhamah a tei khit ciangin Gomer gai-in tapa khat nei leuleu hi.

Hosea 11:12

Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

1 SAMUEL MASA 17:47

leh Topa in namsau leh teipi tawh a hotkhiat lohna thu hih a kikhawm khempeuh in a theih nading ahi hi; bang hang hiam cih leh galdona in Topa aa hi a, amah in kote khut sungah note hong pia ding hi,” a ci hi.