Hosea 1:6 - Tedim Bible

⁶ Tua ciangin Gomer gai kikin tanu khat nei hi. Topa in zong Hosea kiangah, “Na tanu’ min dingin hehpih loh, a cih nopna Lo-ruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak kei ding hi.

Tedim Bible Revision 2017

⁶ Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Hosea 1:6 Iomraidhean Croise

2 KUMPI NIHNATE 17:20

Tua ciangin Topa in Israel suan-le-khakte khempeuh nialin amaute gimsak a, ama muhna panin amaute a paihkhiat dongin a siasak mite khut sungah amaute pia hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Hosea 1:8

Lo-ruhamah a tei khit ciangin Gomer gai-in tapa khat nei leuleu hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Hosea 2:4

Ama tate, paktatna pana piang tate ahih manin, tua a tate zong ka hehpih kei ding hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.

Amos 9:8

Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

1 PETER MASA 2:10

Note in nidang lai-inah a mi pawlte na hih loh uh hangin tu-in Pasian’ mi pawlte na hi uh hi. Nidang lai-inah hehpihna na ngah loh uh hangin tu-in na ngah zo uh hi.