Hosea 1:11 - Tedim Bible

¹¹ Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Tedim Bible Revision 2017

¹¹ Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Hosea 1:11 Iomraidhean Croise

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 50:19

Israel mite pen a omna sa uh mun mah ah ka omsak kik ding a, Karmel leh Bashan mual ah an ne-in Efraim mual Gilead mualah lungkim takin a om ding uh hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Hosea 2:1

Tua ahih ciangin na Israel mipihte, “Pasian’ mi,” ci in la, “Topa in a hehpih mite,” zong ci in.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?