Hosea 1:10 - Tedim Bible

¹⁰ Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Tedim Bible Revision 2017

¹⁰ Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasianʼ tate,” kici ding hi.

Hosea 1:10 Iomraidhean Croise

Piancilna 13:16

Na suan-le-khakte leitung leivui zahin ka bawl ding hi; mi khatpeuh in leitung leivui a sim theih leh na suan-le-khakte zong kisim thei ding hi.

Piancilna 22:17

nang thupha kong pia taktak ding hi, na suan-le-khakte van-a aksite leh tuipi gei-a sehnel bangin tampi ka phasak ding hi. Na suan-le-khakte in amau’ galte’ khuapite luah ding uh a,

Piancilna 32:12

Ahih hangin nangmah in, ‘Nang' tungah hoihna kong bawl ding a, a honpi a kisim thei loin na suan-le-khakte tuipi sehnel zahin ka bawl ding hi,’ na ci hi,” ci hi.

2 SAMUEL NIHNA 7:24

Nangmah in nangma mi ahi tawntung dingin na mi Israelte nangma adingin na kipsak hi; Topa aw, nangmah in amaute’ Pasian na suak hi.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 48:19

na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Isaiah 65:1

Hong ngen lo mite kiangah kei ka kilak hi; kei hong zong lo mite in kei hong mu uh hi. Ka min a lo lo gam khat kiangah, “Hiah om ing, hiah om ing,” ka ci hi.

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Jeremiah 33:22

Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Hosea 1:9

Tua ciangin Topa in, “Na tapa’ min dingin ka mi hi lo, a cih nopna Loammi phuak in; bang hang hiam cih leh no Israel mite, ka mi na hi kei uh a, keimah in note’ Pasian ka hi kei hi,” a ci hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Johan 1:12

Ahih hangin amah sang a, ama min a umte khempeuh in Pasian’ tate suah theih na’ng thu a pia hi.

ROM (Romans) 8:19

A kipiangsak nate in Pasian’ tate a kilat ding lamenin, lawp pha-in a ngak uh hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Hebru 11:12

Tua ahih ciangin mi si tawh a kibang dektak, mi khat bek ahi Abraham panin a kisim ciangin aksi zah ahi zongin, tuipi gei-ah a kisim zo lo sehnelte zah ahi zongin tampite a suak uh hi.