Hosea 1:1 - Tedim Bible

¹ Judah kumpite Uzziah, Jotham, Ahaz, Hezekiah, leh Israel kumpi Joash’ tapa Jeroboam’ hun lai-in Be-eri’ tapa Hosea tungah Topa in thu na gen hi.

Tedim Bible Revision 2017

¹ Judah kumpite Uzziah, Jotham, Ahaz, Hezekiah le Israel kumpi Joashʼ tapa Jeroboamʼ hun lai-in Beeriʼ tapa Hosea tungah Topa in thu na gen hi.

Hosea 1:1 Iomraidhean Croise

2 KUMPI NIHNATE 13:13

Tua ahih ciangin a pate tawh Jehoash ihmu a, tua ciangin ama kumpi tokhom tungah Jeroboam a nihnapa a tu hi; tua ciangin Israel kumpite tawh Samaria ah Jehoash kivui hi.

2 KUMPI NIHNATE 14:16

Tua ciangin Jehoash a pate tawh ihmu a, Israel kumpite tawh Samaria ah kivui hi; tua ciangin ama tangin a tapa Jeroboam a nihnapa in uk hi.

2 KUMPI NIHNATE 14:23

Judah kumpipa, Joash’ tapa Amaziah’ kum sawm-le-ngana kumin, Israel kumpipa, Jehosh’ tapa Jeroboam in Samaria ah uk ding kipan a, amah in kum sawmli-le-khat sung uk hi.

2 KUMPI NIHNATE 15:32

Israel kumpipa, Remaliah’ tapa Pekah’ kum nihna kumin, Judah kumpipa, Uzziah’ tapa Jotham in uk ding kipan hi.

2 KUMPI NIHNATE 15:5

Tua ciangin Topa in phak natna tawh kumpipa vat ahih manin a sih ni dongin amah a phak hi a, inn tuam sungah amah teng hi. Tua ciangin kumpipa’ tapa Jotham in innkuan tungah a uk hi a, tua gam mite a uk hi.

2 KUMPI NIHNATE 15:7

Tua ciangin Uzziah a pate tawh ihmu a, amaute in David khuapi sungah a pate tawh amah vui uh a, tua ciangin ama tangin a tapa Jotham in uk hi.

2 KHANG TANGTHU NIHNATE 27:1

Jotham in uk ding a kipatin kum-sawmnih-le-nga pha a, amah in Jerusalem ah kum sawm-le-guk sung uk hi. Ama nu’ min in Jerushah hi a, Zadok’ tanu ahi hi.

2 KHANG TANGTHU NIHNATE 28:1

Ahaz in uk ding a kipatin kum sawmnih pha a, amah in Jerusalem ah kum sawm-le-guk sung uk hi. Amah in a pu David bangin Topa’ mit-ah a man gamta lo a,

2 KHANG TANGTHU NIHNATE 29:33

A ki-ap biaknate in bawngtal zaguk leh tuu tulthum ahi hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Isaiah 7:1

Uzziah’ tapa Jotham, Jotham’ tapa Ahaz ahi Judah kumpipa’ hun lai takin, Siria kumpipa Rezin leh Remaliah’ tapa Pekah ahi Israel kumpipa in Jerusalem khuapi sim dingin kuanto uh a, ahih hangin amaute in zo zo lo uh hi.

Jeremiah 1:2

Amon’ tapa Josiah, Judah gamah kumpi a suah zawh kum sawm leh kum thum a cin’ kum-in Topa in Jeremiah a hopih hi.

Jeremiah 1:4

Topa in kei hong hopih-a,

Ezekiel 1:3

Tua Babilon gam Khebar Gun gei-ah ka om lai takin siampi Buzi’ tapa keimah Ezekiel in Topa’ hong thugenna ka za a, ama vangliatna zong kei tungah hong tun’na ka phawk hi.

Joel 1:1

Pethuel’ tapa Joel tungah hih bangin Topa’ thu hong tung hi.

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Jonah 1:1

Topa in Amittai’ tapa Jonah tungah,

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Zekhariah 1:1

Persia gam uk Kumpipa Darias in a uk a kum nihna kum, a kha giatna sungin, Topa in kamsang Zekhariah tungah thu gen hi. (Zekhariah in Berekhiah’ tapa hi a, ama pu in Iddo ahi hi.)

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

ROM (Romans) 9:25

Hosea Lai Siangtho sungah: “Keima mi ahi lote, ‘Keima mite hi,’ ka ci ding hi; Ka ngaih loh mi in, ‘Ka ngaih mi hi,’ ka ci ding hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.