Hebru 9:5 - Tedim Bible

⁵ Tua singkuang tungah vangliatna tawh kipawl vantungmi milimte in mawhphelna tokhom khuhin a om uh hi. Tua nate tu-in ka gen siang khin zo kei uh hi.

Tedim Bible Revision 2017

⁵ Tua Thuciamna Singkuang tung sanah Pasianʼ ompihna lim ahi kherub nihte om a, tua kherub nihte in hehpihna tokhom liimsun uh hi. Hih nateʼ thu tu-in a neng a tawngin i gen khinzo kei hi.

Hebru 9:5 Iomraidhean Croise

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherubte tungah a tupa aw, leitung kumpi gam khempeuh lakah nangmah, nangmah bek in Pasian na hi hi; nangmah in vantung leh leitung na bawl hi.

1 KHANG TANGTHU MASATE 28:11

Tua ciangin David in a tapa Solomon tungah biakinn innlim, leh a innte, a van manpha koihnate, a dawl tungnungte, leh a dei sungnungte, leh hehpihna tokhom’ adingin inndei a geelna;

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Late 99:1

Topa in uk hi; mihonte ling hen! Amah, Kherubte tungah tu hi; leitung liing ta hen!

Siampi Laibu 16:13

teci pan’na tungah a om hehpihna tokhom pen paknamtui khu in a tuam theih nading Topa’ mai-ah a om mei tungah a paknamtui koih ding hi, tua hi kei leh amah si ding hi;

Siampi Laibu 16:2

Topa in Moses kiangah, “Thuciamna singkuang tunga om hehpihna tokhom mai, dalna puan sung lam a siangtho munah hong pai ngitnget nawn loh nadingin na sanggampa Aaron kiangah gen in; hong pai leh amah si ding hi; bang hang hiam cih leh hehpihna tokhom tunga meii sungah kei ka kilang ding hi.

Gamlak-vakna 7:89

Topa tawh kiho dingin kikhopna buk sungah Moses a pai ciangin, kherub nihte’ kikal, teci pan’na singkuang tungah a om hehpihna tokhom tung san teng panin amah a hopih awging khat a za hi; tua awging in amah hopih hi.

ROM (Romans) 9:4

Tua mite in Israel mite ahih uh ciangin a ta za-a kikoih nading ahi zongin, vangliatna ahi zongin, thu kiciamnate ahi zongin, Thukham koihna ahi zongin, Pasian biakna ahi zongin, thuciamnate ahi zongin,

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 SAMUEL MASA 4:4

Tua ahih ciangin mite in Shiloh-ah mi paisak uh a, Kherubte tungah a tu Vanglianpen Topa’ thuciamna singkuang tua lai panin hong pua uh hi; Eli’ tapa nihte, Hofni leh Finehas Pasian’ thuciamna singkuang tawh tua lai-ah om uh hi.