Hebru 9:4 - Tedim Bible

⁴ Tua dei sungah paknamtui halna, kham tawh a kizut thuciamna singkuangte a om uh hi. Tua singkuang sungah mana koihna kham beel tawh, a paak a paak Aaron’ ciangkhut tawh, thuciamna kigelhna suangpeekte a om uh hi.

Tedim Bible Revision 2017

⁴ Tua sungah paknamtui hal nading kham kibawl biakna tau le kham tawh a kizut Thuciamna Singkuang om hi. Tua Thuciamna Singkuang sungah manna anlum a kikoihna kham beel, tehno nei-in a hing Aaronʼ ciangkhut le thukhamte a kigelhna suangpek nihte kikoih hi.

Hebru 9:4 Iomraidhean Croise

1 KUMPI MASATE 7:50

paknamtui adingin haite, meitehte, kuangte, pakante, leh kham citak vutluahna; leh Siangtho Pen Mun inn sung tawngnung kongkhakte leh biakinn sung kongkhakte adingin kham bilte ahi hi.

1 KUMPI MASATE 8:21

Amah in Izipt leitang panin amaute a paikhiatpih lai-in amah in i pu i pate tawh a bawl Topa’ thuciamna a omna thuciamna singkuang adingin tua lai-ah mun khat ka bawlsak hi,” a ci hi.

1 KUMPI MASATE 8:9

Thuciamna singkuang sungah, Izipt gam panin a paikhiat lai-un Topa in Israel mite tawh thuciamna a bawlna Horeb ah Moses in suangpeek nih a koih sim loh bangmah om lo hi.

2 KHANG TANGTHU NIHNATE 5:10

Amaute Izipt panin hong paikhiat lai-in Topa in Israel mite tawh thuciamna a bawlna mun Horeb-ah Moses in suangpeek nihte a koih sim loh thuciamna singkuang sungah bangmah om lo hi.

Paikhiatna 26:33

A kilhnate-ah dalna puan khai sukin, dalna puan sung tua lai mun-ah tecipan’na singkuang na koih ding hi; dalna puan in siangtho pen mun panin siangtho mun khen ding hi.

Paikhiatna 31:18

Sinai Mual tungah thugenna a man khit ciangin, Pasian’ khutme tawh a kigelh suangpeek ahi tecipan’na suangpeek nihte, amah in Moses pia hi.

Paikhiatna 32:15

Tua ciangin Moses kihei-in, a khut sungah tecipan’na suangpeek nih, a pang lang nih tuak-a kigelh suangpeekte tawh mual tung panin paisuk hi.

Paikhiatna 34:29

A khut sungah tecipan’na suangpeek nih tawh Sinai Mual tung panin Moses hong paisuk ciangin, Pasian tawh amah kiho khin ahih manin a maitang vun a taan’ lamtak Moses in thei lo hi.

Paikhiatna 37:25

Amah in singkha sing tawh paknamtui biakna tau bawl hi; a dung tong khat, a vai tong khat ahi hi; tua pen a ning kikim a, a san’na tong nih ahi hi; a kite in tua tawh sakhat ahi hi.

Paikhiatna 39:35

tecipan’na singkuang a zawlte leh hehpihna tokhom tawh;

Paikhiatna 40:3

Nangmah in tua sungah tecipan’na singkuang na koih ding a, nangmah in dalna puan tawh singkuang na dal ding hi.

Siampi Laibu 16:12

Amah in Topa’ biakna tau panin mei-am a dim paknamtui beel khat leh a kisunen paknamtui khut nih dim khat la ding hi; amah in dalna puan sungah paipihin

Gamlak-vakna 17:10

Topa in Moses kiangah, “Amaute si kha ding ahih manin, amaute in kei hong phunsanna na bei sak theih nadingin a lehdo mite adingin lim ahi dingin teci pan’na mai-ah Aaron’ ciangkhut koih kik in,” a ci hi.

Gamlak-vakna 17:5

Keimah in ka teel mipa, ciangkhut hong sel ding hi; amaute in nang hong phunsanna, Israel mite’ phunna tua bangin kei kiang panin ka beisak ding hi,” a ci hi.

Gamlak-vakna 17:8

A zing ciangin teci pan’na puanbuk sungah Moses pai hi, en in: Levi-te beh ading Aaron’ ciangkhut selin nguum khia a, paakin, almond min gah a gah hi.

Thu-hilhkikna 9:11

Sun sawmli leh zan sawmli a cin’ ni-in kiciamna suangpeekte ahi suangpeek nihte Topa in kei hong pia hi.

Thu-hilhkikna 9:9

Topa in note tawh a bawl thuciamna suang ahi suangpeekte sang dingin mual tungah ka paitoh lai-in, mual tungah sun sawmli leh zan sawmli sung ka om hi; an ne lo, tui dawn loin ka om hi.

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Mangmuhna 8:3

Kham kuang a tawi adang vantungmi khat in zong hong pai-in biakna tau kiangah ding a, tokhom mai-ah a om kham biakna tau tungah a om misiangthote khempeuh thungetna tungah sun’ sawn dingin paknamtui a pia hi.