Hebru 9:28 - Tedim Bible

²⁸ tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Tedim Bible Revision 2017

²⁸ mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Hebru 9:28 Iomraidhean Croise

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Siampi Laibu 10:17

“Note in mihonte’ adingin Topa mai-ah kilemna bawlin, amau’ mawhna a pua dingin note tungah hong kipiasa a siangtho sa pen khialhna hang a biakna hi napi, bang hangin biakinn ah ne lo na hi uh hiam?

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Gamlak-vakna 18:1

Tua ahih ciangin Topa in Aaron kiangah, “Nang leh na tapate leh na behte biakinn tawh kisai-in mawhna nang tawh pua khawm ding uh hi; nang leh na tapate in na siampi nasepna tawh kisai-in mawhna nang tawh na pua khawm ding uh hi.

Gamlak-vakna 18:23

Ahih hangin Levi mite in kikhopna buk nasep sem ding uh a, amaute in a mawhna uh pua ding uh hi; tua in amau’ khang tawntungin tawntung ngeina hi ding hi; amaute in Israel mite lakah luah nei lo ding uh hi.

Gamlak-vakna 7:33

meihal biak nadingin bawngtalno khat, tuutal khat, kum khat a pha tuuno a pa khat;

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

ROM (Romans) 3:25

Pasian in hong hehpihin a kihih khinsa mawhna a ngaihsut lohna in ama dikna thu kilat nangin ahi zongin,

ROM (Romans) 5:15

Ahih hangin mawhna leh hehpihna kibang lo hi. Bang hang hiam na cih uh leh, mi khat a khial ahih maninah, mi tampi a si uh ahih leh, Zeisu Khazih kici mi khat’ hehpihna thupha hanga i ngah lungdamna leh Pasian’ hehpihna thupha in mi tampi ading a kicing hi.

ROM (Romans) 6:10

Khazih in sihna a thuakna pen khialhna lam pan khatvei bek a si hi. A nuntakna in Pasian ading a nungta hi.

ROM (Romans) 8:23

Tua tham loin Kha Siangtho a kipatna gah a ngah eite in zong a tate za-ah koihna thu ahi, i pumpi gupkhiatna ngakin i pumpi sungah tau-in i om hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

1 KORIN MASA 1:7

Tua ahih ciangin note in i Topa Zeisu Khazih hong kilat ding ngakin na om lai takun hong piakna thupha khat beek na sam kei uh hi.

1 KORIN MASA 15:54

Hih muat theihna in muat theih lohna silh a, hih sih theihna in sih theih lohna a silh ciangin, “Zawhna sungah sihna kivalh tum zo hi” ci-a Lai Siangtho sungah a kigelhsa thu in a tangtung ding hi.

2 THESALONIKA NIHNA 2:1

Ute naute aw, i Topa Zeisu Khazih hong paina leh eite in ama kiangah i kikhopna thu panin,

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 9:25

Tua tham loin, siampi ukpa in Siangthona Mun sungah ama aa ahi lo sisan tawh kum simin a tum bang hi loin, Khazih in a pum tawh tam veipi bia kikkik ahi kei hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.