Hebru 9:26 - Tedim Bible

²⁶ Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Tedim Bible Revision 2017

²⁶ Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

Hebru 9:26 Iomraidhean Croise

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

2 SAMUEL NIHNA 24:10

Ahih hangin mi a sim khit ciangin David; lungsim in amahmah gimsak hi. Tua ciangin David in Topa’ tungah, “ka gamtatnasa sungah nakpi takin ka khial hi. Ahih hangin, tu-in,Topa aw, nang tungah kong thuum hi, na nasempa, mawhna hong maisak in; bang hang hiam cih leh hai mahmahna tawh ka gamta khin hi,” a ci hi.

JOB (Job) 7:21

Bang hangin ka khialhna hong maisak lo a, ka mawhna hong paihkhiat sak lo na hi hiam? Tu-in han sungah ka lum ding a, nong zon’ hangin ka na om kei ding hi,” a ci hi.

Late 103:12

nisuahna pen nitumna panin a gamlat mah bangin, eite tung panin i mawhna daante gamlapi-ah amah in a nilkhia hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Micah 4:1

Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.

Mattiu 13:39

Tahum tang vawh galpa in dawimangpa hi. Taang lak hun in leitung bei nading hi. Taang la mite in vantungmite ahi uh hi.

Mattiu 13:40

Lopa kungte botkhia a, mei tawh a hal uh mah bangin, leitung a bei ciangin a piang ding hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

Galati 4:1

Ahih hangin ke’n kong cih-inah, innluahpa in sum khempeuh a ukpa ahih hangin a neu lai takin sila tawh a kilamdang kei hi.

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Hebru 10:26

Bang hang hiam na cih uh leh, thuman i theih khit ciangin i deihna zui-in i mawh kik leh, a nung ciangin mawh maisak nading biakna a om kei ding hi;

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 4:3

A um eite in Pasian’ nopsakna sungah i tum hi. Tua bang a genna in: ‘“Amaute in ka nopsakna sungah a tum thei kei ding uh hi,’ ci-in hehin ka kiciam hi,” a ci hi. Ahih hangin Pasian in a cil panin a na khempeuh a zo khin hi.

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 17:8

Na muh sahang in a om ngei zo hi, tu-in om lo hi; kuamthuk sung pan a hong pusuakkhia ding a, kisiatna-ah a pai ding hi. Leitung pian’ cil-a kipan nuntakna laibu sungah a min kikhum lo leitungah a om mite in tua sahang a om ngei thu, tu-in a om loh thu, a omkik ding sahang ahihna thu a muh uh ciangin lamdang a sa ding uh hi.