Hebru 9:23 - Tedim Bible

²³ Tua ahih ciangin vantungah a om nate limte in tuate tawh a siangthosak hi. Ahih hangin vantung nate ahih uh leh, a phazawte tawh a siangthosak hi.

Tedim Bible Revision 2017

²³ A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoih zaw biakpiakna kisam hi.

Hebru 9:23 Iomraidhean Croise

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Luka 24:46

Khatvei Zeisu in,, “Khazih in sihna thuak a, ni thum khit ciangin thokik ding a;

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Sawltak 23:15

Tua ahih ciangin note in upa vaihawmte tawh Paul thu a pha takpi khen ding bangin a hong paipihsuk nadingun galkap mangpa kiangah na ngen un. Paul in note kiangah hong tun’ ma-in lam kalah that dingin ka omkhol ding uh hi,” ci-in a gen uh hi.

Kolose 2:17

Tua nate in a nung ciangin a hong piang ding lim hi a, pumpi ahih leh, Khazih ahi hi.

Hebru 10:1

Lam khat panin, Thukham in a nung cianga hong piang ding thuhoihte’ lim taktak hi loin, a liim bek hong lak ahih ciangin kum simin a kipia biaknate tawh a nai mite a kicingsak zo kei hi.

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 8:5

Moses in buk lam dingin a kisak ciangin, “Mual tungah nang kong lahsa lim bangin na khempeuh na bawl nading na ciamteh in, ci-in thupiakna a ngah bangin, tua siampite in vantung nate a lim leh liim tawh kipawl na a sem uh hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,