Hebru 9:19 - Tedim Bible

¹⁹ Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Tedim Bible Revision 2017

¹⁹ Moses in zong mite tungah Thukham sunga om thute a piak lai-in bawng no sisan, keel sisan le tui sungah puknah le tuumul san diahin, tuate tawh Thukham laibu le mite theh a,

Hebru 9:19 Iomraidhean Croise

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

Paikhiatna 12:22

Puknah lom khat la un la, kuang sunga a om sisan sungah diahin, kuang sunga a om sisan tawh bangtungzawl leh kongkhak khuam nihte nuh un; zingsang matengin a inn kongkhak pua-ah kuamah paikhia lo ding hi.

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Siampi Laibu 1:10

“Meihal biak nadingin ama letsong in tuu hita leh keel hita leh a hon lak panin ahih leh, amah in a sitbang lo a pa khat pia ding hi;

Siampi Laibu 3:6

“Topa tungah thunuam-a a piak ding ama biakna in tuu leh keelhonte sung panin anu hita leh apa hita leh ganhing khat ahi leh, amah in a sitbang lo pia ding hi.

Gamlak-vakna 19:18

tua ciangin a siang mi khat in puknah la-in a tui sungah diah ding a, puanbuk tung leh a nazatte khempeuh tung leh tua lai-ah a om mi khempeuh tung leh guh ahi a, a kithat mi ahi a, misi ahi a, han ahi zongin a lawng mipa tungah theh ding hi;

Gamlak-vakna 19:6

siampipa in taamtaak sing leh puknah leh a ausan khaute la-in bawngla a kihalna sungah tuate khul ding hi.

Mattiu 27:28

Zeisu puan suahkhia uh a, puansan khat a silhsak uh hi.

Marka 15:17

Zeisu puansan khat silhsak uh a, ling tawh kigaan lukhu a khusak uh hi.

Marka 15:20

Tua bangin Zeisu a khelbawl khit uh ciangin, puansan suahkhia uh a, ama puan a silhsak khit uh ciangin, singlamteh tungah thah dingin a paipih uh hi.

Johan 19:2

Galkapte in ling tawh lukhu ganin ama lu tangah a khusak uh a, puanza san a silhsak khit uh ciangin,

Johan 19:5

Tua ahih ciangin, Zeisu in ling lukhu khu-in, puanza san silhin a paikhia hi. Pilat in, “En un, hih pa,” a ci hi.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 9:13

Bang hang hiam na cih uh leh, bawng’ si, keel’ si leh bawngnuno’ kangvute in a nin mite tungah a kitheh ciangin amau pum uh a siangtho sak thei ahih uh leh,

Hebru 9:18

Tua ahih ciangin thuciamna masa in si tawh loin a kiciam kei hi.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.