Hebru 9:16 - Tedim Bible

¹⁶ Bang hang hiam na cih uh leh, sih khit ciang a, luah nading lai a kip leh, sih ciamna lai-at mi a sih phot kul ding hi.

Tedim Bible Revision 2017

¹⁶ Mi khat in a sih khit ciangin a gamhluah dingin a deih pa lai-in ciamtehin a koih leh a laibawl pa a sih phot ding kisam hi.

Hebru 9:16 Iomraidhean Croise

ROM (Romans) 5:12

Tua ahih ciangin mi khat hangin khialhna in leitungah tung a, mawhna hangin sihna a piang mah bangin, mi khempeuhte in zong a mawh zo uh ahih ciangin, mi khempeuh tungah sihna hong tung hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

1 KORIN MASA 15:22

Adam sungah mi khempeuh a sih mah bangin Khazih sungah mi khempeuh a nungta uh hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

Hebru 9:17

A sih khit ciangin sih ciamna lai a kip ding hi. Bang hang hiam na cih uh leh, sih ciamna lai-atpa a nuntak lai takin sih ciamna lai in a kip kei hi.

Jeim 2:10

Bang hang hiam na cih uh leh, Thukham khempeuh a zuih hangin khatpeuh peuh a khial mi in, Thukham khempeuh a khial zo hi.