Hebru 9:11 - Tedim Bible

^11-12 Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.

Tedim Bible Revision 2017

¹¹ Ahi zongin tu-in a hoih zaw thu a sem ding Siampi Lianpen Khris hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lian zaw, a cingtaak zaw mun ahi hi.

Hebru 9:11 Iomraidhean Croise

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Late 40:7

Tua ciangin keimah in, “En in, laibu sunga keima thu a kigelh khinsa bangin kong pai hi;

Isaiah 59:20

Topa in ama mite tungah, “Note a hupa Jerusalem ah kong pia ding a, mawhna panin a kihei khia mi peuhmah kong honkhia ding hi.

Jeremiah 33:8

Kei tunga hong bawl uh mawhna khempeuh panin amaute ka siangsak ding a, kei tunga hong mawhnate uh leh a hong langpan’na khempeuhte uh ka maisak ding hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Mattiu 11:3

“Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Sawltak 7:48

Sang Pen Pasian in mi khut tawh kibawl inn sungah a teeng zo kei hi. Pasian’ kamsangpa in:

2 KORIN NIHNA 4:18

a kilang lo nate a kip tawntung ahih ciangin a kilang nate en lo ciamteh loin, a kilang lo nate ka en ka ciamteh uh ciangin tawlkhat bek ka thuak uh gimna a zangin a tawntung a gik minthan’ nading a piangsak hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

Hebru 10:1

Lam khat panin, Thukham in a nung cianga hong piang ding thuhoihte’ lim taktak hi loin, a liim bek hong lak ahih ciangin kum simin a kipia biaknate tawh a nai mite a kicingsak zo kei hi.

Hebru 12:27

“Khatvei,” a cihna kam a khiatna in, a liing lo nate a kip nadingin a liing nate, a pian’sak nate a paaikhia ding hi a cihnopna hi.

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 7:1

Kumpite a thahna panin a ciahkik Abraham dawn a, thupha a piak khit ciangin,

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.