Hebru 9:10 - Tedim Bible

¹⁰ neek ding dawn ding, silsiang nading apawl pawlte tawh, pumpi tawh kipawl ngeinate ahi uh a, a kibawl thak hun a tun’ dongin a kip bek uh hi.

Tedim Bible Revision 2017

¹⁰ Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Hebru 9:10 Iomraidhean Croise

Paikhiatna 29:4

Aaron leh a tapate kikhopna buk kongkhak-ah na paipih ding a, amaute tui tawh na sil ding hi.

Paikhiatna 40:12

Tua ciangin nangmah in kikhopna buk kongkhak-ah Aaron leh ama' tapate paipihin, amaute tui tawh na sil ding a,

Ezekiel 4:14

Ahi zongin kei zong ka dawng kik a, “Topa Pasian aw, cik mah-in kei ka kininsak ngei kei hi. Ka neu tunga kipan tu dongin ama thu-in a si tawm ganhing sa ahi a, gamsate’ nekbaang ahi zongin ka ne ngei kei hi. A nin-a a kiseh an khat peuhpeuh ka ne ngei nai kei hi,” ka ci hi.

Siampi Laibu 13:58

Ahih hangin a puan hita leh puan a tung a phei hita leh savun tawh a kibawl na khatpeuh peuh a kisawp khit ciangin tua natna a paikhiatna na pen, a nih veina kisawp kikin, a siang hi ding hi,” a ci hi.

Siampi Laibu 16:24

amah in a siangtho mun khatah a pumpi tui sungah silin, a puante silh ding a, hong paikhia-in, ama meihal biakna leh mite’ meihal biakna pia-in, ama ading leh mite’ adingin kilemna bawl ding hi.

Siampi Laibu 16:4

Amah in a siangtho saihadial puantungsilh silhin, a pum tungah saihadial pheituam teengin, saihadial kawnggak tawh kigakin, saihadial dialpi khim ding hi; hihte in a siangtho puante ahi uh hi. Amah in tui sungah a pumpi sil ding a, tua ciangin tua puante silh ding hi.

Siampi Laibu 22:6

tua bang na a lawng mipa pen a nitak mateng a nin hi ding a, amah in tui sungah a pumpi a sil kei leh a siangtho nate ne lo ding hi.

Gamlak-vakna 6:3

leenggahzu leh kham theih zu panin a pumpi kikem ding hi; leenggahzu pan ahih kei leh kham theih zu pan a kibawl tuithuk dawn lo ding a, leenggah tui khatpeuh peuh dawn loin, leenggah a hing hita leh a keu hita leh ne lo ding hi.

Marka 7:4

Sumbuk panin hong ciah uh ciangin zong pumpi kisil loin an ne lo uh hi. Tua lo adang ngeinate in haite, sumngo kuangte, dalkuangte tui tawh sawpna ngeina a zuih uh tampi a om hi).

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Efesa 2:15

ngeina tawh kipawl Thukham kilemlohna thu a pumpi sungah a paihkhiat khit ciangin kikhen khia a, om kikal dalna kawm phelkhia-in, mi pawl nihte pawl khat bek a suak sak hi. Bang hang hiam na cih uh leh, gal kilem sakin ama sungah tua pawl nihte in pawl thak khat bek a suah nadingin bawl pha a, pawl khat bek suah khin a,

Thu-hilhkikna 21:6

A kithat mipa tawh a kinaipen khuapi upate khempeuh in kuam sunga ngawng a kitan bawngla tungah a khut uh sil ding uh hi;

Thu-hilhkikna 23:11

ahih hangin nitak ciangin amahmah tui sungah kisil ding a, ni a tum ciangin giahphual sungah hong pai thei ding hi.

Kolose 2:16

Tua ahih ciangin annek tuidawn ahi zongin, pawikham ni, kha det ni, Nipi ni tawh kipawl thute ahi zongin, note kuamah in kidongin thu kikhensak kei un.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Hebru 2:5

Eite in i hilh a nung ciangin a piang ding leitung in vantungmite nuai-ah a koih kei hi.

Hebru 7:12

Siampi pawl kikheel ahih leh, Thukham zong kikheel loin a om thei kei ding hi.

Hebru 7:16

Tua siampi in pum tawh kipawl ngeina thu bang hi loin, a nungta tawntung vangliatna bangin kikoihin a om hi.

Hebru 9:1

Lam khat panin, thuciamna masa in biakna ngeina ahi zongin, hih leitung tawh kipawl siangtho mun ahi zongin a nei hi.