Hebru 8:2 - Tedim Bible

² Amah in mite lam hi lo, Pasian lam ahi buk taktak, a siangthona munah biakna na a sem mi ahi hi.

Tedim Bible Revision 2017

² Amah in, miteʼ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Hebru 8:2 Iomraidhean Croise

Paikhiatna 25:9

Biakbuk leh a na-zatte’ lim ding tawh kisai-in nang' tungah kong lahsate khempeuh tawh kituakin nangmah in na bawl ding hi.

Paikhiatna 28:1

“Tua ciangin keimah' tungah siampi na a sem dingin Israel mite' lak panin na sanggampa Aaron leh amah tawh a tapate—Aaron leh Aaron’ tapate, Nadab leh Abihu, Eleazar leh Ithamar, nangma' kiangah la in.

Paikhiatna 28:35

Amah in biakna na a sep ciangin Aaron in tua puan silh ding a, amah a sih khak loh nadingin Topa’ mai a siangtho munah a tum ciang leh a pusuah ciangin a gingte kiza ding hi.

Paikhiatna 33:7

Tu-in Moses in puanbuk la-in giahphual pualam, giahphual panin a gamla pekah lam thei zel hi; amah in tua pen kikhopna buk ci hi. Topa' tungah thu a dong nuam mi peuhmah giahphual pua lam-a om kikhopna buk-ah paikhia uh hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

ROM (Romans) 15:8

Khazih in Pasian’ thuman thutak hangah pute pate tungah a piak thuciamna a kip nadingin ahi zongin, Gentailte in zong Pasian’ hehpihna ngahin Pasian a minthan’sak theih nading uh ahi zongin, vun atna a thuak mite’ nasem mi a suak hi. Lai Siangtho sungah: “Tua ahih ciangin Gentailte lakah na hehpihna ka phat a, Nangma min phatna la ka sa ding hi,” ci-a a kigelh bang ahi hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

Hebru 10:11

Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Hebru 10:21

Pasian’ innpi a uk siampi ukpa om ahih ciangin

Hebru 11:10

Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Hebru 9:1

Lam khat panin, thuciamna masa in biakna ngeina ahi zongin, hih leitung tawh kipawl siangtho mun ahi zongin a nei hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.