Hebru 8:13 - Tedim Bible

¹³ ‘Thuciam thak’ ci-a thu a piak ciangin, thuciamna masa a luisak hi. A kiam a, a luisa in a man’than nading a nai zo hi.

Tedim Bible Revision 2017

¹³ Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimang ta ahi hi.

Hebru 8:13 Iomraidhean Croise

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Luka 22:20

Tua mah bangin an a nek khit uh ciangin hai la a, “Hih hai in note ading a kibua, kiciamna thak a lak ka si ahi hi.

1 KORIN MASA 13:8

Itna in a mangthang kei ding hi. Kamsangte’ thu a om leh a mangthang ding hi. Pautuam gen theihna a om leh, a bei ding hi. Lungpilna a om leh, a mangthang ding hi.

2 KORIN NIHNA 3:6

Pasian sungah kihih khinzo bek ahih mah bangin kiciamna thak’ nasemte suah zawh nading siamna Pasian in kote hong pia hi. Tua bang ka cih ciangin Thuciam lui thu cihnopna hi lo, Kha Siangtho thu cihnopna hi. Bang hang hiam na cih uh leh, Thuciam lui thu in hin’na a that thei hi, Kha Siangtho thu in a hingsak thei hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

Hebru 1:11

Tuate a kisiat ding uh hangin, Nang na om tawntung ding hi; Tuate puan bangin a tul ding hi.

Hebru 8:6

Tu-in ahih leh, Zeisu in a phazaw thuciamnate tungah kip-a a kikoih a phazaw thuciam kikhapna ahih mah bangin, tua sang a lianzaw biakna nasepna za a ngah hi.

Hebru 8:8

Tua mite Pasian in mawhsak a, thu a piakna in: “Keimah in hih mi pawlte a pute a pate’ khut uh kai-in, Izipt gam pan ka paipih ni-in, amau ka piak thuciamna tawh a kilamdang, Thuciamna thak, Israel’ innkuante leh, Judah’ innkuanpihte tawh ka bawl ding hun hong tung ding hi. Bang hang hiam na cih uh leh, ka piak thuciamna-ah a kip kei uh hi. Keimah in zong a mau don loin ka om hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.