Hebru 7:5 - Tedim Bible

⁵ Levi’ tate lakah siampi za a ngahte in Abraham’ suante ahi uh a, amau unaute’ khut tung uh panin Thukham mah bangin seh sawm suah seh khat a san’ nadingun thu a ngah uh hi.

Tedim Bible Revision 2017

⁵ Levi suanlekhak sung panin siampi a sem mite pen Abrahamʼ suanlekhak mah hi napi-in, amau mipih Israel-te tung panin sawm-ah-khat a lak nadingun Thukham a na kibawl hi.

Hebru 7:5 Iomraidhean Croise

Piancilna 35:11

Pasian in ama kiangah, “Keimah in Vanglian Pasian ka hi hi: pung in la, tampi pha in; minam khat leh minamte honkhat nang' sung panin piang ding a, nang' sung panin kumpite piang ding hi.

Piancilna 46:26

Izipt gamah a pai Jakob’ aa ahi ama' suan-le-khak, Jakob’ tapate’ zite a kisim loin, a vekpi in mi sawmguk-le-guk ahi hi;

1 KUMPI MASATE 8:19

ahi zongin nangmah in a inn na lam kei ding a, nangma sungpan hong suak ding na tapa in ka min dingin a lam ding hi,’ a ci hi.

Nehemiah 13:10

Levi mite’ ngah dingte amau’ tungah kipia lo ahih manin Levi mite leh lasate in a nasep ngeite uh nusia-in a lote uhah na a sepna uh zong ka phawk khia hi.

Paikhiatna 1:5

Jakob’ suan-le-khakte khempeuh mihing sawmsagih ahi hi; Josef pen Izipt-ah na om khin zo hi.

Paikhiatna 28:1

“Tua ciangin keimah' tungah siampi na a sem dingin Israel mite' lak panin na sanggampa Aaron leh amah tawh a tapate—Aaron leh Aaron’ tapate, Nadab leh Abihu, Eleazar leh Ithamar, nangma' kiangah la in.

Gamlak-vakna 18:7

Nang leh na tapate in biakna tau tawh kisai nate leh dalna puan sunga om nate khempeuhah na siampi nasep uh na sem ding uh hi; na siampi nasep uh letsongin kong piak hi a, a nai-ah hong pai midang peuhmah kithat ding hi,” a ci hi.

Thu-hilhkikna 26:12

“Sehsawm suah sehkhat piak kum ahi a kum thumna kumin, amaute in na khuapite uh sungah an ne-in gilvahin a om theih nadingun Levi mite, peemtate, pa nei lote, leh meigong numeite tungah na piak uh, na khawhsa uh sehsawm suah sehkhat na piak khit uh ciangin,

Hebru 5:4

Pasian in Aaron a sap bangin a sap mite longal, kuamah in tua za a lian a la thei kei ding hi.

Hebru 7:10

Bang hang hiam na cih uh leh, Melkhizedek in Abraham a dawn lai takin Levi in ama pupi’ pumpi sungah a om lai hi.