Hebru 7:27 - Tedim Bible

²⁷ Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Tedim Bible Revision 2017

²⁷ Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 7:27 Iomraidhean Croise

Ezekiel 43:19

Zadok suan leh khak ahi Levi siampite pen keima na a sem dingin ka omna-ah a hong pai dingte ahi uh hi. Topa Pasian keimah in hih thu kong pia hi. Mawhna hangin biakna-a piak dingin amaute tungah bawngtal khat na pia ding hi.

Siampi Laibu 16:11

“Aaron in amahmah adingin khialhna hanga biakna-in a bawngtal pia-in, amah leh a innkuanpihte adingin kilemna bawl ding hi; amah in amahmah adingin khialhna hanga biakna-in a bawngtal go ding hi.

Siampi Laibu 16:15

“Tua ciangin amah in mite ading ahi khialhna hanga biakna keel go-in, dalna puan sungah a si paipih ding a, bawngtal si a theh mah bangin a si thehin, hehpihna tokhom tung leh hehpihna tokhom mai-ah theh ding hi;

Siampi Laibu 16:6

“Aaron in amahmah adingin khialhna hanga biakna-in a bawngtal pia-in, amah leh innkuanpihte adingin kilemna bawl ding hi.

ROM (Romans) 6:10

Khazih in sihna a thuakna pen khialhna lam pan khatvei bek a si hi. A nuntakna in Pasian ading a nungta hi.

Efesa 2:22

Topa sungah note in zong Kha Siangtho hangin Pasian’ teenna na suah nadingun a kilam na hi uh hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 5:1

Mi lakah a kiteelkhia siampi ukpa in mawhna taang ding biaknate leh piaknate mite ading a pia dingin Pasian tawh kipawl nate-ah a kikoih hi.

Hebru 5:3

Tua ahih ciangin mite mawhna leh ama mawhna taang dingin biakna a pia hi.

Hebru 8:4

Thukham bangin biakna pia ding mite a om uh ahih ciangin tua Topa leitungah a om leh, siampi ahi kei ding hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Hebru 9:25

Tua tham loin, siampi ukpa in Siangthona Mun sungah ama aa ahi lo sisan tawh kum simin a tum bang hi loin, Khazih in a pum tawh tam veipi bia kikkik ahi kei hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Hebru 9:7

A nihna dei sungah siampi ukpa in ama ading ahi zongin, midangte ading ahi zongin, biakna ganhing sisan paipihin, kum khatin, khatvei bek a tum hi.