Hebru 7:25 - Tedim Bible

²⁵ Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Tedim Bible Revision 2017

²⁵ Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Hebru 7:25 Iomraidhean Croise

JOB (Job) 22:17

Hih mite pen Pasian a nial, Pasian in amaute bangmah a cih thei lo dinga a ki-umte ahi uh hi.

JOB (Job) 23:3

Amah ka zon’na ding dan thei-in, ama kiang ka tun’na ding zia thei hi leng,

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Isaiah 59:16

Amah in kuamah mu lo-a, nenniamna a thuak mite a huh ding mi khat beek a om lohna mu hi. Tua ahih ciangin amaute a honkhia ding, leh a dikna a kip nadingin ama khut a zang ding hi.

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Johan 14:13

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Efesa 3:12

Tua Topa Zeisu sungah upna hangin eite lungkimin, lau lohna lungsim nei-in, Pasian kiangah tum theihna i ngah hi.

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

1 TIMOTI MASA 2:5

Bang hang hiam cih leh, Pasian khat bek om a, Pasian leh mite kikal ah mimah ahi hong kikham Khazih Zeisu khat bek a om hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Hebru 2:18

Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Hebru 7:16

Tua siampi in pum tawh kipawl ngeina thu bang hi loin, a nungta tawntung vangliatna bangin kikoihin a om hi.

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Hebru 7:24

Zeisu ahih leh, a tawntung kip ahih ciangin a kikheel ngei lo siampi-za a ngah hi.

Hebru 7:8

Tua tham loin, a si thei mite in tu lai takin seh sawm suah seh khat a sang uh hi. Tua lai takin ahih leh, a nungta hi ci-in teci pan’na a ngah mi in seh sawm suah seh khat a ngah hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.