Hebru 7:14 - Tedim Bible

¹⁴ Bang hang hiam na cih uh leh, eite Topa in Judah pawl sung pan hong piang hi ci-in a kilang hi. Tua pawl thu-ah siampite thu Moses in kam khat beek a gen kei hi.

Tedim Bible Revision 2017

¹⁴ I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

Hebru 7:14 Iomraidhean Croise

Piancilna 46:12

Judah' tapate: Er, Onan, Shelah, Perez leh Zarah (ahih hangin Kanaan gamah Er leh Onan si hi); Perez' tapate in Hezron leh Hamul ahi hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Gamlak-vakna 24:17

Amah ka mu hi, ahih hangin tu hun hi lo hi; amah ka en hi, ahih hangin a hun nai nai lo hi: Jakob sung pan aksi khat hong suakkhia ding a, Israel sung pan kumpi ciangkhut khat hong piang ding hi; tua in Moab’ taltang sat kham ding a, Sheth’ suante khempeuh sugawp ding hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?

Luka 3:33

Amminadab in Admin’ ta hi, Admin in Arni’ ta hi, Arni in Hezron’ ta hi. Hezron in Perez’ ta hi, Perez in Judah’ ta hi,

Johan 20:13

Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Johan 20:28

Thomas in, “Ka Topa leh ka Pasian aw,” a cih ciangin,

ROM (Romans) 2:3

Tua bang ahihte tungah thu na khen lai takin tua bang a hilhpa aw, Pasian’ thukhenna tawh na kipelh ding cih na ki-um hiam?

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Hebru 7:13

Tua thu genkholhna tawh kipawl mi in biakna tau-ah khatvei beek na a sem ngei lo pawl sung pan a piang hi.

Hebru 7:15

Tua tham loin, Melkhizedek bangin adang siampipa a piang zo ahih leh, a tungah laigelhna in a maan ahihna a kilang zaw hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Mangmuhna 5:5

Tua lai takin upa khat in, “Kap kei in. En in, David’ Zung, Judah pawl pan Humpinelkai in tua laibu leh ciamtehnate a hong thei dingin a zo zo hi,” hong ci hi.