Hebru 6:4 - Tedim Bible

^4-6 Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

Tedim Bible Revision 2017

⁴ A tawpkik khin sate a kisikkik nadingin kibawl zo lo hi. Pasianʼ khuavak sungah amaute om khinin, vantung nopna ciam khinin, Kha Siangtho ngah khinin,

Hebru 6:4 Iomraidhean Croise

Siampi Laibu 13:55

siampipa in tua natna a ban’na na pen a kisawp khit ciangin vel ding hi. Tua natna a ban’na mun a meel a kikhel kei leh, a natna a kizelh loh hangin tua in a nin ahi hi; tua natna pen a sung lamah ahi a, a pua lamah ahi zongin a ban’ leh mei sungah tua puan na hal ding hi.

Siampi Laibu 14:43

“Amah in a suangte lakhia-in a inn kiatin a zut khit ciangin tua inn sungah a natna hong suah kik leh,

Gamlak-vakna 24:3

amah in a thugen ding teng genin, “Beor’ tapa Balaam’ thugen, a mit in khua a mu thei mipa’ thugen,

Mattiu 12:45

Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tuapa a pian’ nunung pen in a pian’ masak sangin a siazaw hi. Tua mah bangin hih a gilo khang mite zong ahi ding hi,” a ci hi.

Mattiu 5:13

“Note in leitung’ ci na hi uh hi. Ci in a alna a man’ leh, bangci a al kik ding hiam? Dai pua lamah paikhia-in mite sikgawp ding longal kiman’na om lo hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Johan 3:27

Johan in, “Vantung panin a kipiak kei leh, kuamah in bangmah a ngah thei kei hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

Sawltak 11:17

Tua ahih ciangin eite in Topa Zeisu Khazih’ thu i up ciangin Pasian in thupha hong piak mah bangin Pasian in tuate a piak leh, Pasian a nial dingin kei kua ka hi hiam?” ci-in Piter in a gen hi.

Sawltak 15:8

Lungsim a thei Pasian in Kha Siangtho kote hong piak mah bangin amaute kiangah pia-in,

Sawltak 8:20

Piter in, “Pasian’ hehpihna dangka tawh kilei thei hi cih ngaihsun na hih ciangin nang tawh na dangka siakhawm ta hen.

ROM (Romans) 1:11

Note na lungkip theih nadingun note kiangah Kha Siangtho’ thupha hehpihna khat peuhmah kong piak na’ngin nomau mu nuam ka hi hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Galati 3:2

Thukham zuihna hangin Kha Siangtho na ngah uh hiam, ahih kei leh, upna thu na ngahna uh hangin na ngah uh hiam ci-in thu khat bek note kiangah ka thei nuam hi.

Galati 3:5

Tua tham loin, Kha Siangtho note hong pia a, note lakah nalamdang hong lakpa in Thukham na zuihna hangun hong bawl ahi hiam, ahih kei leh, upna thu na ngaihna hang bek uh ahi hiam?

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Efesa 3:7

A vangliatna-a bawlphatna bangin keimah hong piak Pasian’ hehpihna ka ngah mah bangin, tua Lungdamna Thu a hilh nasem ka suak zo hi. A kizong khia khin zo lo Khazih hauhna thu Gentailte kiangah hilh dingin ahi zongin,

Efesa 4:7

Ahih hangin Khazih in a hong hawm sak mah bangin i vekpi-in a hehpihna thupha i ngah ciat hi.

1 TIMOTI MASA 4:14

Genkholhna tawh, pawlpi upate’ khutngakna tawh nang hong kipia thupha letsong zang loin om kei in.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

2 TIMOTI NIHNA 4:14

Sumsungpa Alekzander in keimah tungah a hoih lo tampi hong bawl hi. Amah in a hihna bangin ama tungah Topa in a thuk ding hi.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

1 JOHAN MASA 5:16

Mi khatpeuh in a sanggampa in sihna thuak ding a kilawm lo mawhna a bawl a muh leh, thungen ta hen. Sihna a thuak ding a kilawm lo mawhna a bawl mite ading Pasian in nuntakna a pia ding hi. Sihna thuak ding a kilawm mawhna a om hi. Tua bang mawhna maisak nading thungen ding ka ci kei hi.