Hebru 6:14 - Tedim Bible

¹⁴ “Nang a man takpi thupha kong pia ding hi, nang a man takin kong khangsak ding hi,” ci-in a ciam hi.

Tedim Bible Revision 2017

¹⁴ “Nang thupha hong pia-in suanlekhak tampi a nei dingin ka hong ciam hi,” a ci hi.

Hebru 6:14 Iomraidhean Croise

Piancilna 17:2

Kei leh nang' kikal-ah ka thuciamna ka bawl ding a, nang tampi tak kong phasak ding hi,” ci hi.

Piancilna 22:16

“Keimahmah ka kiciam hi, Topa in ci hi, bang hang hiam cih leh nang in hih thu na bawl khin a, na tapa, na tapa khat bek na humcip kei hi,

Piancilna 22:17

nang thupha kong pia taktak ding hi, na suan-le-khakte van-a aksite leh tuipi gei-a sehnel bangin tampi ka phasak ding hi. Na suan-le-khakte in amau’ galte’ khuapite luah ding uh a,

Piancilna 48:4

kei' kiangah, 'En in, nang hong pungsakin, tampi hong phasakin, mihing hon khatin hong bawlin, nang’ khit cianga na suan-le-khakte tunga a neih dingin hih leitang ka pia ding hi,’ hong ci hi.

Nehemiah 9:23

Nangmah in amau’ suan leh khakte van-a aksi zahin sim zawh lohin na tamsak a, a pu a pate un a luah dingin piak dingin na ciamsa gamah amaute na paipih hi.

Paikhiatna 32:13

Amaute' tungah nangmahmah kiciamin amaute' tungah, ‘Na suan-le-khakte uh vantung aksi bangin tamsakin, keimah in ka ciamsa hih leitang khempeuh na suan-le-khakte uh' tungah ka pia ding a, amaute in luah tawntung ding uh hi,’ na cihna na nasemte Abraham, Isaak leh Israel phawk in,” a ci hi.

Galati 3:18

Bang hang hiam na cih uh leh, innluahna in thukham tawh kipawl ahih leh, kiciamna thu tawh kipawl lo hi. Ahih hangin Pasian in Abraham kiangah kiciamna hangin tua luahna a pia zo hi.

Thu-hilhkikna 1:10

Topa na Pasian un note tampi hong khang sak zo hi, en un, note in tu hunin vantung aksite zah-in tampi na pha uh hi.

Thu-hilhkikna 1:8

En un, note mai-ah leitang ka koih zo hi; pai un la, Topa in na pate uh Abraham, Isaak leh Jakob tung leh amau nunga a suan leh a khakte uh tungah piak dingin a ciam leitang luah un,’ hong ci hi.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.