Hebru 6:10 - Tedim Bible

¹⁰ Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Tedim Bible Revision 2017

¹⁰ Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Hebru 6:10 Iomraidhean Croise

Nehemiah 13:22

Tua ciangin sabbath ni a siangtho-in a omsak theih nadingun amaute kisian’suah tawmin kongpite hong cin’ nadingun Levi mite ka sawl hi. Ka Pasian aw, hih thu ah zong hong phawk in la, na itna tawh kizui-in siatna panin kei hong pengsak in.

Nehemiah 13:31

Tua ciangin a kiseh hunin zat dingin cih ding sing tawh biakna leh anpal tawh biak nading ka vaihawmsak hi. Ka Pasian aw, a hoih lamin kei hong phawk in.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

Late 20:3

Na biakpiaknate khempeuh amah in hong phawk hen la, na meihal biakpiakna hong sang ta hen.

Paikhiatna 1:20

Tua ahih ciangin Pasian in naudomte lim bawl hi; mite khangin a thahatna uh khang hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Thuhilh-sia 11:1

Tui tungah na anlum khia in, ni tampi khit ciangin na mu kik ding hi.

Jeremiah 18:20

Hoihna pen siatna tawh a kituak ding mah ahi hiam? Ka kiat nadingin dum a to uh hi. Nangma mai-ah kong ding a, amau ading thuhoih kong gensak a, na hehna amau tungah na tun’sak loh nading kong gennate hong phawk in.

Jeremiah 31:16

Topa in hong cih-inah: “Kap nawn kei un la, na khitui uh nul un. Bang hang hiam cih leh Topa in kong cih-inah, na nasepna uh thaman na ngah ding uh hi. Amaute galte’ gam panin hong ciahkik ding uh hi.

Mattiu 10:42

Keima thu zui ahih maninah, hih naupang a neupen tui hai khat a pia peuhmah in, aman takpi kong cih inah phattuamna ngah loin a om kei ding hi,” ci-in Zeisu in a gen hi.

Mattiu 20:7

tua mite in, ‘Kote kuamah in hong cial lo hi,’ a cih uh ciangin, ‘Tua ahih leh, no zong ka leenggah lo-ah pai un,’ a ci hi.

Mattiu 25:17

Tua mah bangin talen nih sangpa in zong, adang amet talen nih mah a ngah hi.

Marka 9:41

Khazih’ mi na hih manun ah tui hai khatpeuh hong pia mi in, aman takpi kong cih-inah, noptuamna ngah loin a om kei ding hi.”

Johan 13:20

Ke’n aman takpi kong cih-inah, ka sawlpa a ngai mi in kei zong hong ngai hi. Kei hong ngai mi in kei hong sawlpa zong a ngai hi,” a ci hi.

Sawltak 10:31

Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Sawltak 10:4

Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

ROM (Romans) 12:13

Misiangthote a sapna bangun na hawm un. Zindo na hahkat un.

2 KORIN NIHNA 9:1

Misiangthote’ vakna thu note kiangah kong gelh hangin na phattuamna uh om tuam lo ding hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

1 JOHAN MASA 1:9

I mawhnate pulakin thuum lehang, i mawhnate maisakin, i gitlohna khempeuh sawpsiang nadingin amah in thuman thutak tawh ahi zongin, dikna thu tawh ahi zongin a dim hi.