Hebru 6:1 - Tedim Bible

^1-2 Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

Tedim Bible Revision 2017

¹ Tua ahih manin Khris thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

Hebru 6:1 Iomraidhean Croise

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Mattiu 21:29

a ta upa bel in, ‘Kei kuan kei ning,’ a cih hangin, a nung ciangin kisikkik a, a kuan hi.

Mattiu 21:32

Bang hang hiam cih leh, Johan in thuman lam tawh na kiang uhah hong pai hangin, ama thu na um kei uh hi. Siahdongte leh numei gilote in ama thu a um uh hi. Note in tua thu na muh uh ciangin, Johan’ thu um dingin na kisik kei uh hi,” ci-in a gen hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Mattiu 7:25

Guah tampi zu a, tui luang a, huih nung a, tua inn a mut ciangin, suang tungah kilam ahih maninah puk lo hi.

Marka 1:1

Pasian’ Tapa Zeisu Khazih’ Lungdamna Thu a kipatna in hih bang hi.

Marka 6:12

Tuate paikhia uh a, mite mawhna kisik nading thuhilhin,

Luka 6:48

Amah in inn a lam ciangin, thukpi-in to a, suang tungah khuam a phut mi tawh kibang hi. Tui a khan’ ciangin hawktui in tua inn a nawt hangin, pha takin kilam ahih ciangin a liingsak zo kei hi.

Johan 12:44

Zeisu in, “Kei hong um mi in kei bek hong um kei hi.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

1 KORIN MASA 13:10

Ahih hangin kicin’na a tun’ ciangin a kicing lote a mangthang ding uh hi.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

2 KORIN NIHNA 7:10

Bang hang hiam na cih uh leh, Pasian’ deihna tawh kituak dahna in hong gup nading tawh kizom kisik kikna lungsim hi a, a kikheel kik thei lo kisikna lungsim hong pia hi. Leitunga dahna in sihna a piangsak hi.

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

Kolose 3:14

Kicin’na tawh a kipawl pawlkhat suahna ahi ki-itna, tua nate tungah thuahin silh un.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 12:13

A khe zawte in a kilawi taktak loh nading, cidamna a ngah nadingin na paina lampi uh na tangsak un.

Hebru 7:11

Lam khat panin, Levi’ suan siampi pawlte tawh kizomin mite in Thukham a ngah uh ciangin tua mi pawlte hangin kicin’na a om leh, adang siampi in Aaron’ pawl bangin kisam loin Melkhizedek’ pawl hong pian’ nading thu bang hangin om lai ding ahi hiam?

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Jeim 1:4

Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

1 JOHAN MASA 4:12

Cikmah hunin kuamah in Pasian a mu ngei kei hi. Eite khat leh khat i ki-it leh, Pasian in eite sungah om a, ama itna eite sungah hong kicing hi.