Hebru 5:4 - Tedim Bible

⁴ Pasian in Aaron a sap bangin a sap mite longal, kuamah in tua za a lian a la thei kei ding hi.

Tedim Bible Revision 2017

⁴ Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin a mahmah a kisehtawm hi lo a, Aaron a kisap mah bangin Pasian in amah a seh ahi hi.

Hebru 5:4 Iomraidhean Croise

1 KHANG TANGTHU MASATE 23:13

Amram’ tapate in: Aaron leh Moses ahi uh hi. Amah leh a tapate in Topa’ mai-ah paknamtui a hal tawntung ding leh ama na semin ama min tawh thupha a piak tawntung theih nadingin a siangtho pen nate a ap dingin Aaron kituam koih hi.

2 KHANG TANGTHU NIHNATE 26:18

tua ciangin amaute in kumpi Uzziah nialin ama kiangah, “Uzziah aw, Topa tungah paknamtui hal ding pen nangma hih ding hi lo hi; paknamtui hal dingin a ki-ap, Aaron’ suan siampite hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nang tungah pahtawina hong tun’ lo ding hi,” a ci uh hi.

Ezra 7:5

a pa Abishua, a pa Finehas, a pa Elazar, a pa, siampi lian Aaron—

Paikhiatna 28:1

“Tua ciangin keimah' tungah siampi na a sem dingin Israel mite' lak panin na sanggampa Aaron leh amah tawh a tapate—Aaron leh Aaron’ tapate, Nadab leh Abihu, Eleazar leh Ithamar, nangma' kiangah la in.

Siampi Laibu 8:2

“Aaron leh amah tawh a om a tapate, a puante, a nilh sathau, khialhna hanga biakna a bawngtal, a tuutal nihte leh silngo sawhloh anlum lawh la in;

Gamlak-vakna 16:10

nang leh na sanggamte ahi Levi’ mite ama kiangah hong paipihna, hawmthawh lai na hi hiam? Siampi nasepna zong deih lai na hi hiam?

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Gamlak-vakna 16:40

Topa in Moses tung tawnin Eleazar tungah a gen bangin Korah leh a pawlte tawh a kibang kha lo dingin, siampi ahi lo, Aaron, suan leh khakte ahi lo mi peuhmah in Topa’ mai-ah paknamtui hal dingin a pai loh nading, Israel mite tungah phawksakna khat ahi hi.

Gamlak-vakna 16:5

amah in Korah leh a pawlte khempeuh kiangah, “Zing ciangin Topa in a siangtho ahi mi, ama’ aa ahi mi hong lakin, ama kiangah pai sak ding hi; amah in a teel ding mipa ama kiangah pai sak ding hi.

Gamlak-vakna 16:7

zing ciangin Topa’ mai-ah tua beelte’ sungah mei koihin, mei tungah paknamtui koih un; tua ciangin Topa’ teel mi in a siangtho hong hi ding hi. Levi’ tapate aw, khengval lua uh teh!” a ci hi.

Gamlak-vakna 18:7

Nang leh na tapate in biakna tau tawh kisai nate leh dalna puan sunga om nate khempeuhah na siampi nasep uh na sem ding uh hi; na siampi nasep uh letsongin kong piak hi a, a nai-ah hong pai midang peuhmah kithat ding hi,” a ci hi.

Gamlak-vakna 3:3

hihte in sathau a kinilh siampi, siampi za-ah na sem dingin a kipsak, Aaron’ tapate’ min ahi hi.

Johan 3:27

Johan in, “Vantung panin a kipiak kei leh, kuamah in bangmah a ngah thei kei hi.