Hebru 5:2 - Tedim Bible

² Amah in thanem ahih ciangin a pil lo mite, a mawh mite a thuakpih dingin a siam hi.

Tedim Bible Revision 2017

² Amah zong lam tampi ah a gina lo thei mi mah ahih manin thu thei lo mite le a khial mite tungah lungnem takin na sem thei hi.

Hebru 5:2 Iomraidhean Croise

Paikhiatna 32:8

amaute ka thupiakna lampi panin kiheikhia pak uh hi; amau’ adingin amaute in a kisung milim bawngno khat bawlin, tua bia-in a tungah biakna pia uh a, ‘Israel mite aw, hihte in Izipt leitang panin note hong paikhiatpih to na pasiante uh ahi hi!’ ci uh hi,” a ci hi.

Isaiah 29:24

Kha lamah a pialkhia mite in thu theitel ta ding uh a, a phunphun mite in thuhilhna ngai ta ding uh hi.”

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

2 KORIN NIHNA 11:30

Kisathei ding ka hih leh, ka thanemna bek suangin ka kisathei ding hi.

2 KORIN NIHNA 12:5

Tua bang mi hangin ka kisathei ding hi. Keimah pumpi a hih leh, thanemna sim loh, ka kisathei kei ding hi.

Galati 4:13

Ahih hangin keimah in a masa-in pumpi dam lohna hangin note kiangah Lungdamna Thu ka hong hilh na thei uh hi.

Efesa 4:18

Tua mite in a lungsim uh khauh a, neu kha beek thei lo ahih ciangun pilna khuavak kiliahin Pasian’ nuntakna tawh a kikhen uh hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Hebru 12:13

A khe zawte in a kilawi taktak loh nading, cidamna a ngah nadingin na paina lampi uh na tangsak un.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 2:18

Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 7:28

Thukham in a khial thei mite siampi-uk za-ah a koih hi. Thukham nungah kiciamna thu piakkholhna thu in, a tawntung kicingin a om Tapa a koih hi.

Hebru 9:7

A nihna dei sungah siampi ukpa in ama ading ahi zongin, midangte ading ahi zongin, biakna ganhing sisan paipihin, kum khatin, khatvei bek a tum hi.

Jeim 5:19

Ka u ka naute aw, note lakah mi khatpeuh mah in thuman thutak lam pan pial a, a khialh ciangin,

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

Thukhente 2:17

Ahi zongin amaute in a thukhente uh thu ngai lo uh hi; bang hang hiam cih leh amaute in pasian dangte tawh paktatna gamta-in tuate mai-ah kun uh hi; Topa’ thupiakna a mang amau’ pute pate’ tot lampi panin amaute pial pah uh hi, amaute in Topa’ thu mang lo uh hi.