Hebru 5:14 - Tedim Bible

¹⁴ Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Tedim Bible Revision 2017

¹⁴ Ahi zongin antak i cih pen a sia le a pha a khen thei, a lim le a lim lo a khen thei ta, a khangham khin sa mite ading ahi hi.

Hebru 5:14 Iomraidhean Croise

Piancilna 3:5

Bang hang hiam na cih leh tua singgah na nek ciangun na mitte uh kihong ding a, a pha leh a sia thei-in Pasian tawh na kibat ding lamtak uh Pasian in thei hi,” ci hi.

2 SAMUEL NIHNA 14:17

Na nasemnu in, ‘Ka to kumpipa’ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa in a pha leh a sia a khen thei dingin Pasian’ vantungmi tawh kibang hi. Topa na Pasian in nang tawh hong om ta hen!” a ci hi.

1 KUMPI MASATE 3:11

Pasian in ama kiangah, “Nangmah in hih thu hong ngenin, nangma adingin khan’ sauna ahi a, hauhna ahi a, na galte’ nuntakna ahi zongin hong ngen loin, a man thu theih nadingin nang adingin thu theihtelna hong ngen na hih manin,

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

JOB (Job) 12:11

Leii in an a ciap mah bangin, bil in thu ngai tel hilo ahi hiam?

JOB (Job) 34:3

An na ciap uh ciangin a lim leh a lim lo na thei uh hi; thu kigen na zak uh ciangin pil kampau leh hai kampau na thei ding uh hi.

JOB (Job) 6:30

Ahi zongin zuau gen mahin nong ngaihsun lai veve uh a, a sia leh a pha khen thei loin nong seh lai veve uh hi.

Late 119:103

Nangma thute khum mahmah a, khuaizu sangin ka kam-ah khumzaw hi.

Solomon la 1:3

Na omna khempeuh nam vuauvuau a, na min kizaza a, nang hong ngai lo om lo hi.

Solomon la 2:3

Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

Isaiah 7:15

Amah in a hoih lote nial-in a hoihte a teel theih hun ciangin bawngnawi thau khal leh khuaizu ne ding hi.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

ROM (Romans) 14:1

Upna neu mi na mang un. Ahih hangin up khialh nading thute tua mi tawh na kikum kei un.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Filippi 3:15

Tua ahih ciangin a kicing eite khempeuh in tua bangin lungsim nei ciat ni. Note in na khatpeuh peuh ah na lungsim ngaihsutna uh a kibat kei leh, Pasian in tua na a hong lak ding hi.

1 THESALONIKA MASA 5:21

Na khempeuh sinin ahoih nate na len tawntung un;

1 TIMOTI MASA 4:7

Numei teekte in a gen theih uh ahi mawkna tangthute paaikhia in. Pasian biakna lamah nuamsa a, na om nadingin na kiseksak in.

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.