Hebru 5:12 - Tedim Bible

¹² Note in a sawt vei zo-in thuhilhte a suak khin ding na kilawm napi-un, Pasian thupiakna lakah a kisim masa, a bulpi thute, midangte kiangah khatvei na sin kik nading uh om ahih ciangin zan hak an sam loin, nawizu nete bek na hi uh hi!

Tedim Bible Revision 2017

¹² Tu-in note pen midang a hilh dingin sia na suah theih ding uh hun hi khin napi-in note mahmah pen Pasianʼ thu a bulpite hilh ding na kisam lai uh hi. Antak ne thei nai loin nawi bek a ne thei lai na hi uh hi.

Hebru 5:12 Iomraidhean Croise

2 SAMUEL NIHNA 16:23

Tua hun lai-in Ahithofel’ thugente in Pasian’ kammal mahmah bangin kingaihsun hi; tua bangin David leh Absalom in Ahithofel’ thugente thupi ngaihsut uh hi.

Ezra 7:10

Bang hang hiam cih leh Ezra in Topa’ thukham a sin ding, a zui ding, leh Israel mite a hilh dingin amah kipia hi.

Late 34:11

Tate aw, hong pai un la, hong ngai un. Topa zahtakna kong hilh ding hi.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Marka 9:19

Zeisu in, “Upna nei lo pawlte aw, kei in no tawh bang tanvei omkhawm ding ka hi hiam? Tua naupang ka kiangah hong paipih un,” a ci hi.

Sawltak 7:38

Amah in gampalak mi kikhopna lakah ahi zongin, Sinai mual tungah amah tawh a hopih vantungmi tawh ahi zongin, eite pate tawh ahi zongin, omkhawm a, ei hong piak dingin hin’na thu a ngah hi.

ROM (Romans) 3:2

A pawlpawl phattuamna tampi a om hi. A lianbel phattuamna ahih leh, amaute kiangah Pasian’ thu a kipia zo hi.

1 KORIN MASA 14:19

Ahih hangin pawlpi lakah pautuam dang tawh kam thenkhat ka gen theih sangin midangte hilh thei nadingin kam nga bek lungpilna tawh hilh theih nading ka deihzaw hi.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

Galati 4:3

Tua mah bangin eite i neu lai takin leitung thungeek khut nuai-ah sila in, i om hi.

Filippi 3:1

A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

Hebru 5:11

Tua Melkhizedek thu kote gen ding tampi a om hi. Ahih hangin note bil pil lo na hih uh ciangin a gen nading a haksa hi.

Hebru 5:13

Nawi bek a ne mi in naupang bang ahih ciangin dikna tawh kipawl thu a siam kei hi.

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.