Hebru 4:14 - Tedim Bible

¹⁴ Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Tedim Bible Revision 2017

¹⁴ Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 4:14 Iomraidhean Croise

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Marka 1:1

Pasian’ Tapa Zeisu Khazih’ Lungdamna Thu a kipatna in hih bang hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Luka 24:51

Tua bang a thupha a piak lai takin, amaute tawh kikhen a, vantungah kilato hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

2 KORIN NIHNA 12:2

Tuma kum sawm leh li lai takin Khazih sungah a om mi khat, thumna vantung dongin a paipih ka thei hi. Ama pumpi tonpih hiam, tonpih lo hiam ka thei kei hi—Pasian in a thei hi.

2 KORIN NIHNA 9:13

Note in Khazih’ Lungdamna Thu deihna-ah a kilanga na zuih uh ahi zongin, tua misiangthote-a kipan mi khempeuh hehpihna lungsim tawh hawmin na piakna uh ahi zongin, amau in a ngaihsut uh ciangin tua kivakna lim teci paulamin Pasian’ hehpihna a phat thei uh hi.

Efesa 4:10

A kumsuk mi in midang ahi kei hi, na khempeuh a kicing sak dingin, vantung na khempeuhte a dawn khengin a kahto mi ahi hi.

Hebru 1:8

A Tapa thu ahih leh: “Pasian aw, na tokhom in A om tawntung tokhom ahi hi, Dikna ahi ukna Ciang in Na gam ukna ciang ahi hi.

Hebru 10:12

Tua Topa ahih leh, mawhna maisak nadingin biakna khat bek a piak khit-a kipan, Pasian’ ziat lamah a tawntungin tu-in,

Hebru 10:23

Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Hebru 7:3

pa om lo, nu om lo, a suan a khak om lo, a nuntakna kipatna ahi zongin, a beina ahi zongin nei loin, Pasian’ Tapa tawh kibangin siampi-in a tawntungin a om hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.