Hebru 4:12 - Tedim Bible

¹² Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Tedim Bible Revision 2017

¹² Pasianʼ thu nungta-in a gamtang hi a, lang nih a hiam namsau sangin hiam zaw lai hi. Kha le lungsim, guh le taang kituahna, guh le guhngek dongin khen khia thei hi. Mihingteʼ lungsim ngimna le a ngaihsutnate zong theithei hi.

Hebru 4:12 Iomraidhean Croise

Late 110:2

Topa in Zion panin na kumpi ciangkhut hong puak hi. Na galte’ lakah uk in!

Late 119:130

Nangma thute hon’khiatna in khuavaksak a, thu thei lote, thu theihtelna a guan hi.

Late 139:2

Nangmah in ka heksukna, ka hektohna khempeuh na thei hi; nangmah in ka ngaihsutnate gamlapi pek panin na thei hi.

Late 149:6

Minamte tungah phu la-in mihingte daan pia ding, amau kumpite sikkhau tawh henin amau miliante sikkol bulh ding, a kigelhsa thukhenna bangin amaute tungah a semkhia dingin, lang nih-a hiam namsau a tawikawmin, Pasian phat-in awng ta uh hen! Hih in ama misiangthote’ minthan’na ahi hi. Topa phat un!

Late 45:3

Vanglianpa aw, na minthan’na leh na liatna tawh, na namsau kuah in.

Paunak 5:4

a tawpna-ah lungkhamna leh natna sim loh, nangma tungah bangmah dang hong guan lo hi.

Thuhilh-sia 12:11

Mipilte’ thugente in, tuucingte in tuu hawlna-in a zat ciangkhut hiam tawh kibang hi. Tua thute pen, eite khempeuh tuucin’ banga hong Cingpa Pasian’ piak ahi hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 49:2

Amah in ka kam, namsau hiam bangsak a, ama khut liim tawh kei hong hu hi; amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Isaiah 55:11

keima kam panin a paikhia ka thu zong tua mah bang ding hi; a hawmpi-in kei kiangah hong tungkik lo ding a, keima ngimna-sa bangin tangtung sakin, amah ka sawlna thu tangtun’ ding hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Luka 8:11

“Thugentehna in hih bang ahi hi; Khaici in Pasian’ thu ahi hi.

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Sawltak 5:33

Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Sawltak 7:38

Amah in gampalak mi kikhopna lakah ahi zongin, Sinai mual tungah amah tawh a hopih vantungmi tawh ahi zongin, eite pate tawh ahi zongin, omkhawm a, ei hong piak dingin hin’na thu a ngah hi.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

1 KORIN MASA 1:24

Ahih hangin Judah mi hi taleh, Grik mi hi taleh, a kisamte adingin Pasian’ vangliatna leh Pasian’ pilna ahi hi.

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Efesa 5:13

A om na khempeuh in a mawhna a kilat ciangin khuavak tawh a kilang hi. Kilatna a ngah khempeuh in khuavak ahi hi.

Efesa 5:26

Tua pawlpi in siangtho-in mawhsakna om lo ahih ciangin,

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Mangmuhna 19:21

A om lai mite in sakol tungah a tuang mipa’ kamsung pan a pusuak namsau tawh thahna thuakin, ka gensa vasate in amaute’ sa kham takin a ne uh hi.

Mangmuhna 2:16

Tua ahih ciangin na kisikkik in. Tua bang ahih kei leh, nangma kiangah a manlangin kong pai ding a, ka kam sungpan a pusuak namsau tawh tua mite ka do ding hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

Thukhente 3:16

Ehud in ama adingin lang nih a hiam, tong khat a sau namsau khat bawl hi; amah in a puan nuai a taklam phei tungah tua namsau khih hi.