Hebru 4:1 - Tedim Bible

¹ Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Tedim Bible Revision 2017

¹ Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Hebru 4:1 Iomraidhean Croise

Paunak 14:16

Mipilte in Topa zahtakin siatna panin kihem a, mihaite in thu ngaihsun masa loin gamta pahpah hi.

Paunak 28:14

Topa a zahtak tawntung mipa in mi nuamsa hi a, a lung khauh mipa in lungkhamna tuak ding hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Gamlak-vakna 14:34

Na gam vaan sung uh ni phazah tawh kizui-in, ni sawmli, ni khat ciangin kum khat, note in na mawhna uh kum sawmli sung na thuak ding uh a, keima lungkim lohna na thei ding uh hi,’ a ci hi.

Mattiu 24:48

Ahi zongin nasem gilopa khat in, ‘Ka topa hong pai hak ding hi,’ ci-in a lungsim sungah ngaihsun a;

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

ROM (Romans) 11:20

Hi ta hen. Upna lungsim nei lo ahih ciangun amaute a kitan uh a, nangmah in na upna hang bekin na kip hi. Na kisathei kei in, na kihta in.

ROM (Romans) 3:23

Bang hang hiam na cih uh leh, mi khempeuh a mawh uh a, Pasian’ maipha a ngah nading uh kisia hi.

1 KORIN MASA 10:12

Tua ahih ciangin ka lungkip hi ci-in a ki-um mi in a puk loh nadingin kikem hen.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

Galati 5:4

Thukham hangah diktan’sakna a ngah nuam note in, Khazih tawh kikhenin, ama hehpihna pan na puk zo uh hi.

2 TIMOTI NIHNA 2:13

Eite i muanhuai loh hangin, Ama muanhuaina a kip den hi. Bang hang hiam cih leh, Amah in amah leh amah a kitheihmawh bawl thei kei hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Hebru 3:11

Tua ahih ciangin amaute in Keima nopsakna sungah a tum thei ngei kei ding uh hi, ci-in hehin ka kiciam hi,” ci-in a gen mah bangin,

Hebru 4:11

Tua ahih ciangin Israel mite in thu ngaih lohna lungsim a neih uh ciangin, a kipuk uh bangin, kuamah kipuk loin tua nopsakna sunga tum nadingin hahkat ciat ni.

Hebru 4:9

Tua ahih ciangin Pasian’ mite ading Nipi ni nopsakna a om lai hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.