Hebru 3:7 - Tedim Bible

^7-9 Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.

Tedim Bible Revision 2017

⁷ Tua ahih ciangin Lai Siangtho sungah, “Tu ni-in Pasianʼ aw na zak uh leh

Hebru 3:7 Iomraidhean Croise

2 SAMUEL NIHNA 23:2

“Topa’ Kha in kei tung tawnin thu hong gen a, ka kam sungah ama thugente om hi.

Late 81:11

“Ahih hangin ka mite in keima aw ngai lo uh hi; Israelte in kei’ thu themkha zong zui lo uh hi.

Late 81:13

Ka mite in ka thu hong ngai-in, ka deih bangin Israel gamta leh pawh!

Paunak 27:1

Zing ciang hun-a ding kima-sialh kei in, tu leh tua hun kikal-a piang ding na thei kei hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Isaiah 55:6

“A kimuh theih hun lai-in Topa zong un la, a nai om lai-in amah sam un;

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 22:43

Zeisu in, “Tua ahih leh, David in Kha Siangtho tawh, ‘Topa hi,’ bangci-a ci thei ahi hiam?” a ci hi.

Marka 12:36

David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:3

Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Johan 5:25

Ke’n aman takpi kong cih-inah, a sisate in Pasian’ Tapa’ aw a zak nading uh a hun hong tung ding tham loin tu-in zong a tung zo hi. Tua aw a zate in a nungta ding uh hi.

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Sawltak 28:25

Tua mah bangin khat leh khat thu kituak loin, Paul in thu khat a gen khit ciangin a paikhia uh hi. Paul in, “Kha Siangtho in kamsangpa Isaiah tungah na pute na pate kiang uh ah a kituakin a gen hi.

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

Hebru 10:15

Kha Siangtho in zong eite kiangah teci hong pan’na in:

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Hebru 3:15

Lai Siangtho sungah a gen mah bangin: “Tuni-in note in ama aw na zak uh leh, kilemlohna bawlin hehsakna hunah na om ngei bangun, na lungsim uh na khauhsak kei un.”

Hebru 4:7

Khatvei: “Tuni-in note in ama aw na zak uh leh, na lungsim uh na khauhsak kei un,” ci-in hih zah a sawt zo, “Tu ni,” ci-in David tungah a gen ciangin, nidang lai-in a genna bangin ni khat peuhpeuh ciamtehin a ngaihsun hi.

Hebru 9:8

A masa dei a om lai tengin Siangtho Bel Munah paina lampi a kilang nai kei hi ci-in Kha Siangtho in hih thu tawh a lak hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.