Hebru 3:6 - Tedim Bible

⁶ Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Tedim Bible Revision 2017

⁶ Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Hebru 3:6 Iomraidhean Croise

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Mattiu 24:13

A bei dongin a kipte in gupna a ngah ding uh hi.

ROM (Romans) 11:22

Tua ahih ciangin a puk mite tungah a thukhenna ahi zongin, ama hehpihna sungah na kip leh, nangmah tungah Pasian’ hehpihna ahi zongin, hih thu nih na ngaihsun in. Ama hehpihna sungah na kip kei leh, phuk tanna na thuak ding hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

1 KORIN MASA 3:16

Note in Pasian’ biakna innpi na hi uh a, Pasian’ Kha Siangtho note sungah a ten’ lam thei lo na hi uh hiam?

1 KORIN MASA 6:19

Note pumpi in Pasian hong piak, na sung uhah a teeng Kha Siangtho’ biakna inn ahi zong, na pumpi uh no’ aa ahi lo ahi zongin thei lo na hi uh hiam?

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Efesa 3:12

Tua Topa Zeisu sungah upna hangin eite lungkimin, lau lohna lungsim nei-in, Pasian kiangah tum theihna i ngah hi.

1 THESALONIKA MASA 5:16

A tawntungin na lungdam ta un.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Hebru 10:19

Tua ahih ciangin ute naute aw, Zeisu’ pumpi ahi dalna puan tawh, tua Topa in eite ading a hon’ nuntakna lampi thakah eite in Mun Siangtho Bel sungah Zeisu’ sisan suangin i tum nading launa om lo a,

Hebru 10:21

Pasian’ innpi a uk siampi ukpa om ahih ciangin

Hebru 10:23

Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

Hebru 10:35

Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Hebru 11:1

Upna in lametnate telcianna hi a, a kimu nai lo nate theihtelna ahi hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 4:11

Tua ahih ciangin Israel mite in thu ngaih lohna lungsim a neih uh ciangin, a kipuk uh bangin, kuamah kipuk loin tua nopsakna sunga tum nadingin hahkat ciat ni.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

Hebru 6:11

Note khempeuh in thadahna nei loin, upna leh thuakna hangin thuciamna a luah ding mite bangin na gamtat zawh nadingun, a tawp dongin upkhialhna nei loin, lametna tawh na dim nadingun, na hahkat nadingun ka deih uh hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in:

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.

Mangmuhna 2:26

Zo-in, keima deihnate a tawp dongin a zui mi, mipawlte tungah ukna aana ka pia ding a,

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.