Hebru 3:3 - Tedim Bible

³ Inn lampa in inn sangin minthan’na a neih zawk mah bangin Zeisu in Moses sangin a lianzaw minthan’na ngah dingin a kilawm hi ci-in eite in i ciamteh hi.

Tedim Bible Revision 2017

³ Ahi zongin inn a lam pa pen a inn sangin a minthan zawk mah bangin Moses sangin Jesu pahtawi zawk ding ahi hi.

Hebru 3:3 Iomraidhean Croise

Zekhariah 4:9

Amah in, “Zerubbabel in biakinn bulpi phut khin a, biakinn lam zong zo ding hi. Tua ciangin ka mite in, amaute kiangah nang kong sawlna thu thei ding uh hi.

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

1 KORIN MASA 3:9

Bang hang hiam na cih uh leh, kote in Pasian tawh nasem khawm mi ka hi uh a, note in Pasian’ huan, Pasian’ inn na hi uh hi.

2 KORIN NIHNA 3:7

Tua tham loin, a mang thei vangliatna ahi Moses’ maitangah a kilang vangliatna hangin Israel mite in a maitang a tel et ngam loh dongin, suangpeek tungah laimalin kigelh sihna tawh kipawl nasepna in vangliatna tawh a dim leh,

Kolose 1:18

Amah in pawlpi ahi, pumpi’ lutang ahi hi. Na khempeuh ah amahmah a sangbel a suah nadingin a kipahtawi hi a, misite lakpan Ta upa a suak hi.

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Hebru 3:4

Inn khempeuh mi khat peuhmah in a lam hi. Na khempeuh a piangsakpa in Pasian ahi hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.