Hebru 3:12 - Tedim Bible

¹² ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Tedim Bible Revision 2017

¹² Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Hebru 3:12 Iomraidhean Croise

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

JOB (Job) 21:14

Migilote in Pasian nawlkhin uh a, Pasian in amau’ nuntak nadingin a deihsaknate thei nuam lo uh hi.

JOB (Job) 22:17

Hih mite pen Pasian a nial, Pasian in amaute bangmah a cih thei lo dinga a ki-umte ahi uh hi.

Late 18:21

Bang hang hiam cih leh Topa’ lampite ka tawn khin a, ka Pasian kiang panin gitlohna tawh ka paikhia kei hi.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial uh ahih manin tua sunga thute a vekpi-in ka tung sak ding hi,” hong ci hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Mattiu 24:4

Zeisu in, “Kuamah in hong khem zawh loh nadingin na kikem un.

Marka 13:23

Thu khempeuh kong genkhol zo hi.”

Marka 13:33

“Tua hun cik ciang hong tung ding thei lo na hih uh ciangin, kikem un la, thu ngenin ngak un.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Luka 21:8

Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi.

ROM (Romans) 11:21

Bang hang hiam na cih leh, Pasian in a hiang taktakte pammaih a sak kei leh, nangmah zong pammaih hong sa ding ahi kei hi.

1 KORIN MASA 10:12

Tua ahih ciangin ka lungkip hi ci-in a ki-um mi in a puk loh nadingin kikem hen.

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Hebru 10:31

A nungta Pasian khut sungah puk nading thu in a lauhuai taktak thu ahi hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 3:10

Tua ahih ciangin hih khangmite Ka deih kei a, ‘Amaute lungsim sung uhah a khial tawntung uh hi; Keima hih ngeinate a thei kei uh hi,’ ka ci hi.

Hebru 3:19

Tua ahih ciangin amau in a up loh manunah a tum zawh loh uh i thei hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?