Hebru 2:9 - Tedim Bible

⁹ Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Tedim Bible Revision 2017

⁹ Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Hebru 2:9 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 6:28

Puan silh dingah bang hangin lunghimawh na hi uh hiam? Gamlakah unok kungte in bangci khang thei ahi uh hiam ci-in lungngai un. Amaute in na lah sem lo, khau lah kheek lo uh hi.

Marka 9:1

“Ke’n aman takpi kong cih-inah, Pasian Gam in vangliatna tawh hong tung, hih santakah a ding mi kimkhat in a muh matengin a si kei ding uh hi,” a ci hi.

Luka 9:27

Ke’n aman takpi kong cih-inah, Pasian’ Gam hih san takah a ding mi kimkhat in a muh uh matengin a si kei ding uh hi,” a ci hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 10:17

Tua ahih ciangin keimah in ka nuntakna ka lak kik dingin paai ka hih ciangin, ka Pa in kei hong it hi.

Johan 12:32

Keimah leitung pan hong kikhai ciangin mi khempeuh keima kiangah ka kai ding hi,” a ci hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

ROM (Romans) 5:18

Tua ahih ciangin mi khat hangin mi khempeuh in daan thuak hen ci-in thu kikhenna a thuak uh mah bangin dikna tawh kipawl hihna khat hangin mi khempeuhte in nuntakna tawh kipawl dikkisakna a ngah uh hi.

ROM (Romans) 5:8

eite in mawh nei i hih lai takin Khazih in eite tang ding si ahih ciangin Pasian in eite hong itna hong kilangsak hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

2 KORIN NIHNA 5:15

a nungta mite in amau deih bang uh a hin’ loh uh a, amaute tang ding si-a a thokik pa’ deihna bang a hin’ nadingun mi khempeuh tangding sihna a thuak ci-in ahi zongin ka ciamteh uh a, Khazih hong itna in zawhthawhna tawh kote hong zol ahi hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

1 TIMOTI MASA 2:6

Tua Zeisu in mi khempeuh tankhia dinginah ama pumpi a pia hi. Amah a hun a tun’ ciangin teci pang dingin a om hi.

Hebru 1:9

Nang in dikna thu na deih a, Gitlohna thu na mudah hi; Tua ahih ciangin nangma Pasian ahi Pasian in, Nangma lawmte khempeuh sangin Nang hong pahtawi zaw-in, Lungdamna sathau tawh hong nilh zo hi,” a ci hi.

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

Hebru 11:5

Enok in upna hangin sihna tawh kipelhin a kilato hi. Pasian in amah kilatosak ahih ciangin a kimu nawn kei hi. Amah a kilak toh ma-in Pasian a lungdamsak hi ci-in teci pan’na a ngah hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 2:7

Amah vantungmite nuai-ah a neukha na nuaikhiat zo hi, Amah minthan’na leh pahtawina na khusak hi. Na khut-a na pian’sakte na uksak a,

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Hebru 8:3

Siampi ukpa khempeuh in biakna leh piakna pia dingin a kikoih ahih ciangin hih siampi ukpa in zong biak nading na khatpeuh mah a nei ding hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

1 JOHAN MASA 2:2

Tua Topa in eite mawhna tham loin, leitung mi khempeuh’ mawhna maisak nading ahi hi.

Mangmuhna 19:12

Ama mittangte in meikuang ahi hi. A lu tungah kumpilukhu tampi a om hi. Amah sim loh kuamah in a theih zawh loh min zong a nei hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,