Hebru 2:6 - Tedim Bible

⁶ Lai Siangtho khat sungah mi khat in: “Na lungngaih nadingin mi in bang hi lel ahi hiam? A en dingin na hong pai nadingin mihing tapa in bang ahi hiam?

Tedim Bible Revision 2017

⁶ Lai Siangtho mun khat ah a kigenna ah, “Pasian aw, nangma ngaihsut tham dingin mi pen bang hi a, na phawk tham dingin mihingʼ ta bang hi lel ahi hiam?

Hebru 2:6 Iomraidhean Croise

Piancilna 50:24

Josef in a sanggamte' kiangah, “Kei a si ding ka hi ta hi; ahih hangin note’ kiangah Pasian hong pai-in hong huh ding a, hih leitang panin amah in Abraham, Isaak leh Jakob' tunga a ciamsa leitang-ah note hong paikhiatpih to ding hi,” ci hi.

JOB (Job) 15:14

Mihing-a piang peuhmah paubaang loin siangtho taktak zo ding ahi hiam? Pasian’ tungah a thuman zo kua om ding ahi hiam?

JOB (Job) 25:6

Tua ahih leh, lungno, ganhing no ahi lel mihing pen bangci ding hiam? Mihing in Pasian’ muhna-ah bang man lel ahi hiam?” a ci hi.

Late 144:3

Topa aw, nangmah in na phawktham dingin, mi in bang hi a, nangmah in na ngaihsut tham dingin mihing’ tapa in bang ahi hiam?

Isaiah 40:17

Minam khempeuhte ama mai-ah bangmah tham hi lo a, amaute pen bangmah a om lo leh, a hawm guak sangin a tawmzaw-in amah in ngaihsun hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Luka 1:68

“Israel mipawl’ Topa Pasian in thupha ngah ta hen.

Luka 1:78

Khuamial leh sihna lim sungah a tu mite tungah, khuavak hong tan’ nading ahi zongin, Nopna lampi ah eite hong kha ding ahi zongin,

Luka 7:16

Zeisu in tua pa a nu kiangah a pia hi. Mi khempeuh in lau uh a, “A lian mahmah kamsangpa in eite lakah hong piang zo hi. Pasian in ama mipawlte kiangah hong hawh zo hi,” ci-in Pasian’ min a phat uh hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Hebru 4:4

Ni sagih ni thu, Lai Siangtho sung mun khatah a genin, “Pasian in ama bawl na khempeuh a zawh khit ciangin, ni sagih ni-in tawhnga-in a om hi,” a ci hi.

Hebru 5:6

Tua mah bangin Lai Siangtho mun khatah a gen-inah: “Nang in Melkhizedek’ pawl a tawntung Siampipa na hi hi,” a ci hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.