Hebru 2:4 - Tedim Bible

⁴ Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Tedim Bible Revision 2017

⁴ Amauteʼ thugenna banah Pasian in vangliatna lim le nalamdang a tuamtuamte bawlna tawh hong gen beh lai hi. Tua banah ama hoihsak bangin Pasian in Kha Siangtho zong hong hawm lai hi.

Hebru 2:4 Iomraidhean Croise

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Marka 16:20

Amaute paikhia uh a, mun khempeuh ah thu a hilh uh hi. Topa in amaute’ tungah nasem a, lim tawh amaute’ thu a kipsak hi. Amen.

Marka 6:14

Tua lai takin Herod kumpipa in tua thu za hi. Bang hang hiam i cih leh, Zeisu min a thang hi. “Baptaizpa Johan in sihna pan a thokik zo hi. Tua ahih ciangin, hih vangliatna in ama tungah a kilang hi,” a ci uh hi.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

Sawltak 4:10

note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Sawltak 5:32

Komau in hih thu khempeuh ah teci ka hi uh hi. Topa Pasian in ama thu a mangte a piaksa Kha Siangtho in zong teci ahi hi,” ci-in a dawng uh hi.

Efesa 1:5

Tua Pasian in a it a Tapa hanga eite hong hehpihna vangliatna a phate phat dinginah

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Efesa 4:7

Ahih hangin Khazih in a hong hawm sak mah bangin i vekpi-in a hehpihna thupha i ngah ciat hi.

Hebru 6:4

Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.