Hebru 2:2 - Tedim Bible

^2-3 Bang hang hiam na cih uh leh, vantungmite tungah thu hong piakna kipin om a, zuih khialhna leh thungaih lohna apawl apawlte in thuak ding a kilawm thukhenna thuak uh ahih leh, a kipat cil a, Topa in hilhin, kam a za mite in a hong kipsak uh a lian mahmah gupna thudon loin om lehang, mawhna daan tawh bang ci kipelh ding i hi hiam?

Tedim Bible Revision 2017

² Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Hebru 2:2 Iomraidhean Croise

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Gamlak-vakna 11:33

Sa a kigaih ma, amau ha kawmah sa baang laipi mahin, mite tungah Topa’ hehna so-in, Topa in gimna lianpi khat tawh mite vatgawp hi.

Gamlak-vakna 16:49

Tu-in Korah’ tungtangah a site sim loh, hih gimna tawh a si mi tulsawm leh tulli leh za sagih ahi hi.

Gamlak-vakna 21:6

Tua ciangin Topa in mite lakah gul gu-phate khah a, tuate in mite tu-in Israel mi tampi si hi.

Gamlak-vakna 25:9

Ahih zongin tua gimna tawh a si mite tul sawmnih leh tulli ahi hi.

Sawltak 7:53

Note in vantungmi hong piak bangin Thukham na ngah uh hangin na tang kei uh hi,” a ci hi.

Galati 3:19

Tua ahih ciangin Thukhamna in a bang phatuam ahi hiam? Kiciamna a ngah a suan a khakte a hong pai matengin khialhna hangah a pia thuah hi. Tua thukham in vantungmite hangah sepkhiat dingin a kikham mi’ khut ah a kikoih hi.

Thu-hilhkikna 17:12

Topa note’ Pasian mai-ah na sem dingin a ding siampipa’ thu ahi a, thukhenpa’ thu ahi zongin man’ lohna tawh a khengval a, gamta mipa si ding hi; tua bangin Israelte sung panin gitlohna na siangsak ding uh hi.

Thu-hilhkikna 17:2

“Topa note’ Pasian in note hong piak khua khatpeuh peuh sungah numei ahi a, pasal ahi zongin, ama thuciamna palsatin, Topa na Pasian uh muhna ah a sia-a gamta kimu-in,

Thu-hilhkikna 17:5

numei ahi a, pasal ahi zongin tua banga a sia-a gamta mi pen na kongpi uhah na paipih ding uh a, tua numei ahi a, pasal ahi zongin suang tawh na denglum ding uh hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thu-hilhkikna 32:2

Ka thuhilhna in guahmal bangin zu-in, ka thugenna daitui bangin kia hen la, longeek tunga guah phin leh ankung tunga guahzu bang ta hen.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Hebru 10:28

Moses’ Thukham a nial mi in teci nih bang, thum bang a om leh, hehpihna ngah loin a si hi.

Hebru 10:35

Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Juda 1:5

Note in na khempeuh thakhatin na theih uh hangin note ka hong phawksak nop thu in: Topa in Izipt gam sung mi pawlkhat a gupkhiat khit ciangin, a nung nihveina ah a um lo mite a siasak hi.