Hebru 2:17 - Tedim Bible

¹⁷ Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Tedim Bible Revision 2017

¹⁷ Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 2:17 Iomraidhean Croise

2 KHANG TANGTHU NIHNATE 29:24

tua ciangin Israel khempeuh adingin pumkhat suahna bawl nadingin siampite in goin tuate’ sisan tawh biakna tau tungah khialhna hanga biakna bawlna bawl uh hi. Bang hang hiam cih leh Israel khempeuh adingin meihal biakna leh khialhna hanga biakna a bawl ding uh kumpipa in thu pia hi.

Isaiah 11:5

Amah in dikna tawh a kawnggakin thumanna dial a kawng ah thuah ding hi.

Ezekiel 45:15

tuu na neih sung uh pan za nih ciangin khat hi ding hi. Hihte pen an tawh biakna, meihal biakna, thunuam-a biak piaknate hi a, na mawhnate uh a mai theih nading ahi hi. Topa Pasian in hih thu kong pia hi.

Ezekiel 45:17

Gam uk ulianpa in meihal biakna-a piak ding ganhingte, an tawh biakna-a zat dingte, leh pawi khempeuh, kha det ni, sabbath nite-in Israel mibuppite’ adingin tuiphih biaknate a piak ding ama nasep ahi hi. Israel mite’ mawhna a mai theih nadingin mawhna hanga biakna, an tawh biakna, meihal biakna, leh thunuam-a biak piakna-a zat dingte khempeuh amah in a sikh ding ahi hi.

Ezekiel 45:20

Tua mah bangin tua kha a ni sagih ni-in zong, tup lohpi leh theih lohna hangin a khial kha mite’ adingin sian’ suahna a bawl ding na hi uh hi. Tu-a bang danin biakinn na siangthosak ding uh hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Siampi Laibu 14:18

siampipa in a khut sunga sathau om lai teng a kisiangthosak ding mipa’ lu nilh ding hi. Tua ciangin siampipa in ama adingin Topa mai-ah kilemna bawlsak ding hi.

Siampi Laibu 16:16

amah in tua bangin Israel mite’ nitna hang, leh amau’ thu palsatnate hang amau’ khialhna khempeuh hangin siangtho mun adingin kilemna bawl ding hi; amah in amau’ nitna sungah amau tawh a omkhawm kikhopna buk adingin tua mah banga bawl ding hi.

Siampi Laibu 6:30

Ahih hangin siangtho munah kilemna bawl nadingin kikhopna buk sungah a kipaipih si a kilak khiatna khialhna hanga biakna sa kine lo ding hi: tua pen mei tawh kihal ding hi.

Siampi Laibu 8:15

Kilemna bawl nadingin Moses in goin, a si la-in a kiim-a biakna tau kite a khutme tawh nuhin, biakna tau siangtho sakin, biakna tau bulah a site sung khia-in, ap hi.

Gamlak-vakna 15:25

Siampipa in Israel mihonte khempeuh adingin kilemna bawlsak ding a, amaute kimaisak ding hi; bang hang hiam cih leh tua in tatkhialhna hi a, amaute in tua amau’ tatkhialhna hangin Topa’ tungah mei tawh kihal amau’ biakna leh khialhna hanga amau’ biakna uh Topa’ mai-ah hong paipih khin uh hi.

ROM (Romans) 15:17

Tua ahih ciangin Pasian tawh a kituak nate hangah note lamsang ah keimah in Khazih Zeisu suangin ka kisathei hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

Efesa 2:16

Khazih in singlamteh hangin kilemlohna thatin, tua mi pawl nihte pawl khat bek suak sakin Pasian tawh hong kilem sak nading ahi hi.

Kolose 1:21

Nidang lai-inah Pasian tawh kikhenkhia-in, gilo gamtatnate in na lungsim sung uhah gal ahi uh note zong,

Hebru 10:21

Pasian’ innpi a uk siampi ukpa om ahih ciangin

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Hebru 2:16

Bang hang hiam na cih uh leh, amah in a man takin vantungmite a huh kei hi; Abraham’ suante a huh hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 3:2

Moses in Pasian’ innpi sung khempeuh ah a diktat mah bangin Zeisu in amah a koihpa mai-ah a diktat hi.

Hebru 3:5

Moses in a nung ciangin a kigen ding nate-ah teci pang dingin nasem hi a, innpi sung khempeuh ah a diktat hi.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 5:1

Mi lakah a kiteelkhia siampi ukpa in mawhna taang ding biaknate leh piaknate mite ading a pia dingin Pasian tawh kipawl nate-ah a kikoih hi.

Hebru 5:10

Melkhizedek’ pawl siampi lian hi ci-in Pasian in a min a phuak hi.

Hebru 5:2

Amah in thanem ahih ciangin a pil lo mite, a mawh mite a thuakpih dingin a siam hi.

Hebru 5:5

Tua mah bangin Khazih in zong siampi ukpa za a ngah nadingin ama pumpi a pahtawi kei hi. “Nang in ka Tapa na hi hi; Tuni-in nang kong piangsak hi,” ci-in a thu a piapa in Khazih a pahtawi hi.

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Hebru 7:28

Thukham in a khial thei mite siampi-uk za-ah a koih hi. Thukham nungah kiciamna thu piakkholhna thu in, a tawntung kicingin a om Tapa a koih hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Hebru 8:3

Siampi ukpa khempeuh in biakna leh piakna pia dingin a kikoih ahih ciangin hih siampi ukpa in zong biak nading na khatpeuh mah a nei ding hi.

Hebru 9:11

Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.