Hebru 2:16 - Tedim Bible

¹⁶ Bang hang hiam na cih uh leh, amah in a man takin vantungmite a huh kei hi; Abraham’ suante a huh hi.

Tedim Bible Revision 2017

¹⁶ Ama lunghihmawh pen vantung mite hi lo a, Abrahamʼ suanlekhakte a lunghimawh ahihna thu hong kitel hi.

Hebru 2:16 Iomraidhean Croise

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 6:16

Mite in amau sang a lianzawte tawh a kiciam thei uh hi. Kinialna khempeuh kiciamna in a beisak hi.

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.