Hebru 2:14 - Tedim Bible

^14-15 Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Tedim Bible Revision 2017

¹⁴ Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Hebru 2:14 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

ROM (Romans) 14:9

Khazih in misite leh mi nungtate’ Topa a suah nadingin sihna thuak a, a sih khit ciangin a hing kik hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

1 KORIN MASA 1:28

A omte a man’than sak nadingin leitungah a gina lote leh a kigina sim lote akipan, a om lote nangawn a teelkhia hi.

1 KORIN MASA 15:50

Ute naute aw, ke’n kong cih-inah, si-le-sa in Pasian’ Gam a luah zo kei ding hi. A muat theite in a muat theih lohna a luah zo kei ding hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

2 TIMOTI NIHNA 1:10

Tua hehpihna thupha in eite hong Gumpa Topa Zeisu Khazih hong kilatna hangin tu-in a kilang zo hi. Tua Topa in sihna mangthang sak a, nuntakna leh a kisia thei lo nuntakna, Lungdamna Thu hangin hong langsak hi.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 2:18

Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Mangmuhna 20:2

amah in Dawimangpa Satan ahi, tanglai gulpi manin, kum tulkhat tawntung hen cipin,