Hebru 2:10 - Tedim Bible

¹⁰ Bang hang hiam na cih uh leh, ta tampite vanglian nopsakna-ah a khak nadingin, tua mite’ gupna a piangsakpa in gimna a thuakna hangin kicin’na a tun’ nadingin na khempeuh bawl a, a uk Pasian in a kilawm hi.

Tedim Bible Revision 2017

¹⁰ Na khempeuh ama adingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu ah a makai dingin Jesu a bawl ding a kilawm mah ahi hi.

Hebru 2:10 Iomraidhean Croise

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Paunak 16:4

Topa in na khempeuh ngimna nei-in bawl a, migilote nangawn siatna thuak dingin a bawl ahi hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Hosea 8:10

Tua bangin mi namdangte a cial hangun keimah in amaute kaikhawmin daan ka pia ding hi. Assiria kumpipa’ bawlsiatna tawh a sawt loin gimna ngah ding uh hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;

Luka 13:32

Zeisu in, “Pai un la, ‘Tuni leh zingsang ciangin dawi ka hawlkhia ding a, cinatna ka damsak ding a, ni thum ni-in ka kikhin ding hi,’ ci-in tua ngia kiangah na hilh un.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Luka 24:46

Khatvei Zeisu in,, “Khazih in sihna thuak a, ni thum khit ciangin thokik ding a;

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Johan 19:30

Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

ROM (Romans) 11:36

Bang hang hiam na cih uh leh, na khempeuh in amah panin ahi zongin, amah hangin ahi zongin, amah adingin ahi zongin a piang uh hi. A tawntungin amah in minthan’na ngah ta hen. Amen.

ROM (Romans) 9:23

A vangliatna a lah nading a masa a bawlsa hehpihna a ngah belte ahi

1 KORIN MASA 2:7

Leitung pian’ ma-in eite minthan’ nadingin Pasian in a vaihawm kholh pilna ahi, Pasian’ pilna thu thukpi tawh ka hilh uh hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

2 KORIN NIHNA 5:18

Na khempeuh Pasian panin a piang hi. Pasian in Khazih hangin amah tawh hong kilemsak a, tua kilemna thu tawh kipawl nasepna za kote hong pia hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

Efesa 2:7

Bang hang hiam na cih uh leh, Khazih Zeisu hangah eite hong hehpih a, a kicing mahmah ama hehpihna thupha a nung ciangin a kilatsak nading ahi hi.

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Kolose 3:4

Eite nuntakna ahi Khazih hong kilat ciangin, note in zong tua Topa tawh minthang khawmin na kilang ding uh hi.

2 TIMOTI NIHNA 2:10

Tua ahih ciangin a kiteel mite in zong a tawntung minthan’na tawh Khazih Zeisu sungah gupna a ngah nadingun na khempeuh ka thuak hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Hebru 7:28

Thukham in a khial thei mite siampi-uk za-ah a koih hi. Thukham nungah kiciamna thu piakkholhna thu in, a tawntung kicingin a om Tapa a koih hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.