Hebru 13:9 - Tedim Bible

⁹ A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Tedim Bible Revision 2017

⁹ Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

Hebru 13:9 Iomraidhean Croise

Late 112:8

Amah lau lo, lunghimawh loin om hithiat a, amah a langpangte a guallelh ding lamtak theitel hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 24:4

Zeisu in, “Kuamah in hong khem zawh loh nadingin na kikem un.

Luka 5:38

Leenggahtui thak savun um thak sungah a kithun ding hi.

Sawltak 20:30

Nungzuite a zolkhia dingin thuzuau a gen mite in note lakah a piang ding uh hi cih ka thei hi.

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

ROM (Romans) 14:2

Mi khat in an pawl khempeuh neek theih nadingin upna a nei hi. Ahih hangin mi a thaneem mi in gah leh teh bek a ne hi.

ROM (Romans) 14:6

Ni a tang mi in Topa hangin a tang hi. An a ne mi in Topa hangin an a ne hi. Bang hang hiam na cih uh leh, amah in Pasian’ hehpihna a phat hi. An ne lo mi in Topa hangin ne lo a, Pasian’ hehpihna a phat hi.

1 KORIN MASA 6:13

An leh tui in gilpi ading, gilpi in zong an leh tui ading ahih hangin tua tegel Pasian in a siasak ding hi. Pumpi in numei tawh khialhna ading ahi kei hi: Topa ading hi a, Topa in zong pumpi ading ahi hi.

1 KORIN MASA 8:8

Ahih hangin annek tuidawn hangah Pasian’ maipha kingah lo hi. An tan’na bek tawh ginatna om lo hi; annekna bek tawh a pha zong hi lo hi.

2 KORIN NIHNA 1:21

Note tawh kote, Khazih sungah a hong kipsak, hong pahtawipa in Pasian ahi hi.

Galati 6:1

Ute naute aw, mi khat kikeem khialin mawhna khatpeuh ahih khak leh, Kha Siangtho a nei note in mawhna hong zolna tawh na kipelh nadingun kikeemin, lungnemna tawh tua bang mi na kipsak un.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Efesa 5:6

A mawkna kam tawh note kuamah kikheem sak kei un. Bang hang hiam na cih uh leh, tuate hangin Pasian’ hehna in a nial thei mite tungah a tung hi.

Kolose 2:4

Kuamah in kheemna kam tawh note hong kheem zawh loh nadingin hih thu ka hong gen hi.

2 THESALONIKA NIHNA 2:17

note’ lungsim hong hehnemin, na ahoih leh thu ahoih apawl apawlah note hong kipsak ta hen.

2 THESALONIKA NIHNA 2:2

Topa’ Ni a hong tun’ hun a nai zo bangin kamsan’na hang ahi zongin, kam pan pusuak thu hang ahi zongin, kote kiang pan hong khak uh lai hang ahi zongin, note in lungkiatna leh lunghimawh lin’na a manlangin na thuak loh nadingun ka hong thuum uh hi.

1 TIMOTI MASA 6:20

Timoti aw, nang hong kipia na, a pha takpi-in kem in. Nate’ thu pilna hi ci a, kiphuak khial, pilna thu tawh kipawl hi lo a, mawkna kamte, nate’ pilna khamna kinialnate na pel in.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.