Hebru 13:6 - Tedim Bible

⁶ Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

Tedim Bible Revision 2017

⁶ Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Hebru 13:6 Iomraidhean Croise

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

1 KUMPI MASATE 17:8

Tua ciangin ama kiangah Topa’ thu hong tung a,

Late 124:8

Van leh lei a bawl Topa’ tung panin eite hong kihuhna hong pai hi.

Late 146:3

Huhna hong pia thei lo uliante ahi a, mihing’ tapa ahi zongin muang kei un.

Late 27:9

Kei kiang panin na maitang seel kei in. Hehna tawh na nasempa hawlkhia kei in, kei hong huh ngeipa na hi hi. Hong paaikhia kei in la, hong nusia kei in, ka kihotkhiatna Pasian aw!

Late 33:20

Topa i ngak hi; amah in eimah huhpa leh i lum ahi hi.

Late 40:17

Kei ahih leh zawng-in ka cimawh hi; ahih hangin Topa in kei’ ading ngaihsun hi. Nangmah in keimah hong huhpa leh keimah honkhiapa na hi hi; zekai kei in, ka Pasian aw!

Late 54:4

En in, Pasian in kei hong huhpa hi a, Topa in kei hong huhpa ahi hi.

Late 56:4

A thu ka phat Pasian’ sungah, lunghihmawhna khat zong nei loin Pasian ka muang hi. Mihing ahi lelte in kei bang hong cih zo ding ahi hiam?

Late 63:7

Bang hang hiam cih leh nangmah in kei hong huhpa na hi a, nangma hutna sungah lungdamin la ka sa hi.

Late 94:17

Topa in kei hong huh lo hi leh, gamkhing sungah ka tung khin ta ding hi.

Paikhiatna 18:4

a dang khat’ min in Eliezer ahi hi (bang hang hiam cih leh amah in, “Ka pa’ Pasian in keimah hong huhpa hi a, Faro’ namsau panin kei hong honkhia hi,” ci hi.)

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Efesa 3:12

Tua Topa Zeisu sungah upna hangin eite lungkimin, lau lohna lungsim nei-in, Pasian kiangah tum theihna i ngah hi.

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

Hebru 10:19

Tua ahih ciangin ute naute aw, Zeisu’ pumpi ahi dalna puan tawh, tua Topa in eite ading a hon’ nuntakna lampi thakah eite in Mun Siangtho Bel sungah Zeisu’ sisan suangin i tum nading launa om lo a,

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

1 SAMUEL MASA 23:17

Amah in ama kiangah, “Lau kei in; bang hang hiam cih leh ka pa Saul in nang hong su-kha lo ding hi; nangmah in Israelte tungah kumpi na hi ding a, keimah in nangma zom ka hi ding hi; ka pa Saul in zong hih thu thei hi,” a ci hi.